കണ്ണൂർ, കരുണ മെഡിക്കൽ പ്രവേശനത്തിനുള്ള ബിൽ നിയമസഭയിൽ പാസാക്കിയത് ദുഃഖകരമെന്ന് മുതിർന്ന കോണ്‍ഗ്രസ് നേതാവ് എകെ ആന്റണി.
പുരോഗമനപരമായ ഒരുപാട് നിയമങ്ങൾ പാസാക്കിയ നിയമസഭിൽ ഇത്തരമൊരു ബിൽ പാസാക്കാൻ പാടില്ലായിരുന്നു. കേരള നിയമസഭയുടെ ചരിത്രം അതല്ല. ഇക്കാര്യത്തില്‍ ആരെയും കുറ്റപ്പെടുത്താന്‍ ഉദ്ദേശിക്കുന്നില്ലെന്നും ആന്റണി പറഞ്ഞു.
അർഹതയുള്ള വിദ്യാർഥികളെ സഹായിക്കാൻ മറ്റ് മാർഗങ്ങളായിരുന്നു സർക്കാർ തേടേണ്ടിയിരുന്നത്. മാനേജുമെന്‍റുകളുടെ കള്ളക്കളിക്ക് അറുതിവരുത്താനാണ് നടപടി വേണ്ടത്. അതിനായി ഭരണ, പ്രതിപക്ഷം കക്ഷികൾ ഒന്നിച്ചു നിൽക്കണമെന്നും ആന്റണി ആവശ്യപ്പെട്ടു.