ലഹരിമരുന്നുകേസിലെ സാമ്പത്തിക ഇടപാടുകളും പ്രതികൾക്ക് സ്വർണക്കടത്തുമായുള്ള ബന്ധവും എൻഐഎ അന്വേഷിക്കാൻ സാധ്യത.ബെംഗളൂരു ലഹരിമരുന്നുകേസിലെ പ്രതികൾക്ക് സ്വർണാഭരണമേഖലയിലുള്ളവരുമായുള്ള ബന്ധം പരിഗണിച്ചാണ് തീരുമാനം.
എൻ.സി.ബി. അറസ്റ്റുചെയ്ത മുഹമ്മദ് അനൂപിന് സ്വർണക്കടത്ത് കേസിലെ പ്രതി കെ.ടി. റമീസുമായി സൗഹൃദമുണ്ട്. നടിമാരായ രാഗിണി ദ്വിവേദി, സഞ്ജന ഗൽറാണി എന്നിവർ പ്രതികളായ ലഹരിമരുന്ന് കേസിൽ സ്വർണാഭരണരംഗത്ത് പ്രവർത്തിക്കുന്ന വൈഭവ് ജെയിൻ,ആദിത്യ അഗർവാൾ എന്നിവരെ അറസ്റ്റ് ചെയ്‌തിരുന്നു. ലഹരിമരുന്ന് കേസിലെ പ്രതികളുടെ അന്തസ്സംസ്ഥാന-വിദേശ ബന്ധങ്ങളും അന്വേഷണപരിധിയിലുണ്ടെന്നാണ് സൂചന.