നിമിഷ മതം മാറിയത് തിരുവനന്തപുരത്തെ സലഫി സെന്ററില്‍

കഴിഞ്ഞയിടെ കാണാതായ ആറ്റുകാല്‍ സ്വദേശിനിയായ നിമിഷ ഇസ്ലാം മതത്തിലേക്ക് മാറിയത് തിരുവനന്തപുരത്തെ സലഫി സെന്ററില്‍ നിന്ന്. മൂന്നുവര്‍ഷം മുമ്പ് സെക്രട്ടേറിയറ്റിനു പിന്നിലുള്ള ഊറ്റുകുഴിയിലെ സലഫി സെന്ററില്‍ വെച്ചാണ് മതംമാറിയതെന്നാണ് പൊലീസിന്റെ സ്ഥിരീകരണം.

2013 സെപ്തംബറില്‍ ആയിരുന്നു നിമിഷ മതംമാറി ഫാത്തിമ ആയത്. ആ സമയത്ത് കാസര്‍കോഡ് പൊയിനാച്ചി ഡെന്റല്‍ കോളജ് അവസാനവര്‍ഷ വിദ്യാര്‍ത്ഥിയായിരിക്കെ ആയിരുന്നു സംഭവം. പഠിച്ചുകൊണ്ടിരിക്കെ കഴിഞ്ഞ നവംബറിലാണ് നിമിഷയെ കാണാതായത്. ഇവര്‍ ഇസ്ലാമിക് സ്റ്റേറ്റില്‍ ചേര്‍ന്നതായാണ് സംശയിക്കുന്നത്.