Publish Date: Thu, 11 Jul 2024 (15:43 IST)
Updated Date: Thu, 11 Jul 2024 (16:20 IST)
സൗദി അറേബ്യയിലെ ആരോഗ്യമന്ത്രാലയത്തിലേയ്ക്ക് കേരളത്തില് നിന്നുളള നഴ്സുമാര്ക്ക് അവസരങ്ങളുമായി നോര്ക്ക റൂട്ട്സ് റിക്രൂട്ട്മെന്റ് 2024 ജൂലൈ 22 മുതല് 26 വരെ കൊച്ചിയില് നടക്കും. കാര്ഡിയാക് കത്തീറ്ററൈസേഷന്, കാര്ഡിയാക് ഐസിയു (മുതിര്ന്നവര്ക്കുള്ളത്), ഡയാലിസിസ്, എമര്ജന്സി പീഡിയാട്രിക്, എമര്ജന്സി റൂം, ജനറല് നഴ്സിംഗ്, ഐസിയു അഡള്ട്ട്, മെഡിസിന് & സര്ജറി, (പ്രസവചികിത്സ)/ഗൈനക്കോളജി, ഓങ്കോളജി, ഓപ്പറേഷന് തിയറ്റര്, പീഡിയാട്രിക് ഇന്റന്സീവ് കെയര് യൂണിറ്റ് എന്നീ സ്പെഷ്യാലിറ്റികളിലേയ്ക്കാണ് അവസരം.
നഴ്സിങില് ബിരുദമോ/പോസ്റ്റ് ബി.എസ്.സി വിദ്യാഭ്യാസ യോഗ്യതയും കുറഞ്ഞത് ഒരു വര്ഷത്തെ പ്രവൃത്തിപരിചയവും ഉളളവര്ക്ക് അപേക്ഷിക്കാം. വിശദമായ ബയോഡേറ്റയും വിദ്യാഭ്യാസം, പ്രവര്ത്തിപരിചയം, പാസ്സ്പോര്ട്ട് എന്നിവയുടെ പകര്പ്പുകളും സഹിതം
[email protected] എന്ന ഇ-മെയില് ഐ.ഡിയിലേയ്ക്ക് ജൂലൈ 19 രാവിലെ 10 മണിക്കകം അപേക്ഷ നല്കണമെന്ന് നോര്ക്ക റൂട്ട്സ് ചീഫ് എക്സിക്യൂട്ടീവ് ഓഫീസര് അജിത് കോളശ്ശേരി അറിയിച്ചു. അപേക്ഷകര് മുന്പ് SAMR പോര്ട്ടലില് രജിസ്റ്റര് ചെയ്തവരാകരുത്. കുറഞ്ഞത് ആറുമാസത്തെ കാലാവധിയുളള സാധുതയുളള പാസ്പോര്ട്ടും ഉളളവരാകണം. അഭിമുഖസമയത്ത് പാസ്സ്പോര്ട്ട് ഹാജരാക്കേണ്ടതാണ്. കൂടുതല് വിവരങ്ങള്ക്ക് 0471-2770536, 539, 540, 577 എന്നീ നമ്പറുകളിലോ (ഓഫീസ് സമയത്ത്, പ്രവൃത്തിദിനങ്ങളില്) 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്.
