ജയിക്കും, സംശയം ഭൂരിപക്ഷത്തിന്റെ കാര്യത്തിൽ മാത്രം: ഇ ശ്രീധരൻ

പാലക്കാട് മണ്ഡലത്തിൽ താൻ ഉറപ്പായും വിജയിക്കുമെന്നും സംശയം ഭൂരിപക്ഷം എത്രയാവുമെന്ന കാര്യത്തിൽ മാത്രമാണെന്നും ബിജെപി സ്ഥാനാർഥി ഇ ശ്രീധരൻ. മുഴുവൻ മണ്ഡലങ്ങളിലേക്കും പ്രചാരണത്തിന് പോകാൻ ഇപ്പോൾ ആലോചിക്കുന്നില്ലെന്നും ശ്രീധരൻ പറഞ്ഞു.

നേതാക്കൾ ആവശ്യപ്പെട്ടാൽ മണ്ഡലങ്ങളിലേക്ക് പ്രചാരണത്തിനായി പോവും. താന്‍ പഠിക്കുന്ന കാലത്തിന് ശേഷമുള്ള പാലക്കാടിന് യാതൊരു മാറ്റവും വന്നിട്ടില്ലെന്നും എംഎല്‍എ ആയ ശേഷം വികസനത്തിനെ കുറിച്ച് കൂടുതല്‍ പഠിക്കുമെന്നും ശ്രീധരന്‍ പറഞ്ഞു.