ചികിത്സ പൂർത്തിയായി; മുഖ്യമന്ത്രി തിങ്കളാഴ്ച കേരളത്തിൽ തിരിച്ചെത്തും

തിരുവനന്തപുരം: അമേരിക്കയിലെ ചികിത്സ പൂർത്തിയാക്കി മുഖ്യമന്ത്രി പിണറായി വിജയൻ ഈ മാസം 24ന് സംസ്ഥാനത്ത് തിരിച്ചെത്തും. വ്യവസായമന്ത്രി ഇ പി ജയരാജനാണ് ഇക്കാര്യം വാർത്താ സമ്മേലനത്തിലൂടെ അറിയിച്ചത്. മുഖ്യമന്ത്രിയുടെ ചികിത്സ പൂർത്തിയായതായും അദ്ദേഹം വ്യക്തമാക്കി.  

കഴിഞ്ഞമാസം 19ന്  തീരുമാനിച്ചിരുന്ന യാത്ര കേരളത്തിലെ പ്രളയ ദുരിതത്തെ തുടർന്ന് ദുരിരിതാശ്വാസ പ്രവർത്തനങ്ങൾ ഏകോപിക്കുന്നതിനായി മാറ്റിവക്കുകയായിരുന്നു. പിന്നീട് സെപ്തംബർ രണ്ടിനാണ് മുഖ്യമന്ത്രി അമേരിക്കയിലേക്ക് തിരിച്ചത്. അമേരിക്കയിലിരുന്നുകൊണ്ട് തന്നെ ഈ ഫയല്‍ സംവിധാനം വ‍ഴി മുഖ്യമന്തി സംസ്ഥാനത്തിന്‍റെ സ്ഥിതിഗതികള്‍ വിലയിരുത്തിയിരുന്നു.