പിണറായി വിജയന് സര്ക്കാരിന്റെ മൂന്ന് വര്ഷത്തെ പ്രോഗ്രസ് റിപ്പോര്ട്ട് ഇന്ന് പ്രകാശനം ചെയ്യും
സെക്രട്ടേറിയറ്റ് വളപ്പില് വൈകിട്ട് നാലിന് നടക്കുന്ന ചടങ്ങില് ചീഫ് സെക്രട്ടറി ഡോ. വി. വേണു പ്രോഗ്രസ് റിപ്പോര്ട്ട് ഏറ്റുവാങ്ങും
Publish Date: Fri, 07 Jun 2024 (11:56 IST)
Updated Date: Fri, 07 Jun 2024 (12:10 IST)
സംസ്ഥാന സര്ക്കാരിന്റെ മൂന്നു വര്ഷത്തെ പ്രോഗ്രസ് റിപ്പോര്ട്ട് മുഖ്യമന്ത്രി പിണറായി വിജയന് ഇന്ന് പ്രകാശനം ചെയ്യും. സര്ക്കാര് അധികാരത്തിലെത്തിയ ശേഷം ഓരോ വകുപ്പിലും നടപ്പാക്കിവരുന്ന പദ്ധതികളുടെ വിശദാംശങ്ങളും എത്ര ശതമാനം പൂര്ത്തീകരിച്ചുവെന്നതുമടക്കം കൃത്യമായ വിവരങ്ങളാണ് പ്രോഗ്രസ് റിപ്പോര്ട്ടില് ഉള്പ്പെടുത്തിയിട്ടുള്ളത്.
സെക്രട്ടേറിയറ്റ് വളപ്പില് വൈകിട്ട് നാലിന് നടക്കുന്ന ചടങ്ങില് ചീഫ് സെക്രട്ടറി ഡോ. വി. വേണു പ്രോഗ്രസ് റിപ്പോര്ട്ട് ഏറ്റുവാങ്ങും. റവന്യൂ മന്ത്രി കെ.രാജന് അധ്യക്ഷത വഹിക്കും. മന്ത്രിമാരായ റോഷി അഗസ്റ്റിന്, കെ.കൃഷ്ണന്കുട്ടി, എ.കെ. ശശീന്ദ്രന്, രാമചന്ദ്രന് കടന്നപ്പള്ളി, കെ.ബി. ഗണേഷ് കുമാര് എന്നിവര് പ്രസംഗിക്കും. മറ്റു മന്ത്രിമാര് സന്നിഹിതരായിരിക്കും. പൊതുഭരണ വകുപ്പ് അഡിഷണല് ചീഫ് സെക്രട്ടറി കെ.ആര്. ജ്യോതിലാല് നന്ദി പറയും.
