ഒരു തീരുമാനമെടുത്താല്‍ അതില്‍ നിന്ന് പിന്നോട്ടില്ല; പിണറായി വിജയനെ വാഴ്ത്തി സുധാകരന്‍ (വീഡിയോ)

ഒരു തീരുമാനമെടുത്താല്‍ അതില്‍ നിന്ന് പിന്നോട്ടു പോകാത്ത വളരെ ബോള്‍ഡ് ആയ നേതാവാണ് പിണറായി വിജയനെന്ന് സുധാകരന്‍ പറയുന്നു

രണ്ട് രാഷ്ട്രീയ ചേരികളില്‍ ആണെങ്കിലും മുഖ്യമന്ത്രി പിണറായി വിജയനും കെപിസിസി അധ്യക്ഷന്‍ കെ.സുധാകരനും തമ്മില്‍ വര്‍ഷങ്ങളായുള്ള അടുത്ത ബന്ധം ഉണ്ട്. ഇരുവരും കണ്ണൂരില്‍ നിന്ന് വിദ്യാര്‍ഥി രാഷ്ട്രീയത്തിലൂടെയാണ് കേരള രാഷ്ട്രീയത്തിലെ അതികായന്‍മാര്‍ ആയത്. പിണറായി വിജയനെ കുറിച്ച് സുധാകരന്‍ പറഞ്ഞ വാക്കുകളാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചയായിരിക്കുന്നത്. രാഷ്ട്രീയമായി പിണറായിക്കെതിരെ പോരാട്ടം നടത്തുമ്പോഴും അദ്ദേഹത്തിന്റെ നിശ്ചയദാര്‍ഢ്യത്തെ പുകഴ്ത്താന്‍ സുധാകരന്‍ പിശുക്ക് കാണിക്കുന്നില്ല.