ഒന്നാം വര്‍ഷ ഹയര്‍ സെക്കന്‍ഡറി/ വൊക്കേഷണല്‍ ഹയര്‍ സെക്കന്‍ഡറി ഫലം പ്രഖ്യാപിച്ചു. ഇന്ന് ഉച്ച കഴിഞ്ഞ് 3 മണിക്കാണ് ഫലം പ്രസിദ്ധീകരിച്ചത്. വിദ്യാര്‍ഥികള്‍ക്ക് ഔദ്യോഗിക വെബ്‌സൈറ്റായ https://results.hse.kerala.gov.in/ലൂടെ ഫലം അറിയാം.
സയന്‍സ് വിഭാഗത്തില്‍ പരീക്ഷ എഴുതിയ 1,89,479 വിദ്യാര്‍ഥികളില്‍ 1,30,158 വിദ്യാര്‍ഥികള്‍ വിജയിച്ചു. 68.69 ശതമാനമാണ് വിജയം. ഹ്യുമാനിറ്റീസ് വിഷയങ്ങളില്‍ 78,735 വിദ്യാര്‍ഥികള്‍ പരീക്ഷ എഴുതിയതില്‍ 39,817 പേരാണ് വിജയിച്ചത്. വിജയശതമാനം 50.57/ കൊമേഴ്‌സ് വിഭാഗത്തില്‍ 1,11,230 വിദ്യാര്‍ഥികളില്‍ 66,342 പേരാണ് വിജയിച്ചത്. 59.64 ശതമാനം വിജയം. ആകെ 62.28 ശതമാനം വിജയമാണ് ഈ വര്‍ഷമുള്ളത്. കഴിഞ്ഞ വര്‍ഷം ഇത് 67.30 ശതമാനമായിരുന്നു.
