വിവാഹ വാഗ്ദാനം നൽകി യുവതിയെ പീഡിപ്പിച്ച വ്ലോഗർ അറസ്റ്റിൽ

മലപ്പുറം: സമൂഹ മാധ്യമം വഴി പരിചയപ്പെട്ട യുവതിയെ പ്രണയം നടിച്ചു വിവാഹ വാഗ്ദാനം നൽകി പീഡിപ്പിച്ച  യുവാവായ വ്ലോഗറെ പോലിസ് അറസ്റ്റ് ചെയ്തു. വഴിക്കടവ് സ്വദേശി ചോയ്തല വീട്ടിൽ ജുനൈദ് ആണ് മലപ്പുറം പോലീസിൻ്റെ പിടിയിലായത്.

യുവതിയുമായി പരിചയപ്പെട്ട ജുനൈദ് പ്രണയത്തിലാവുകയും വിവാഹ വാഗ്ദാനം നൽകി രണ്ടു വർഷത്തോളം യുവതിയെ വിവിധ ലോഡ്ജുകളിലും മറ്റും എത്തിച്ചു പീഡിപ്പിക്കുകയും ആയിരുന്നു. ഇതിനിടെ യുവതിയുടെ നഗ്ന ചിത്രങ്ങൾ പകർത്തുകയും അവ സമൂഹ മാധ്യമങ്ങളിലൂടെ പുറത്തു വിടുമെന്ന് ഭീഷണിപ്പെടുത്തുകയും ചെയ്തു. 

ചതി മനസ്സിലാക്കി സഹികെട്ട യുവതി പോലീസിൽ പരാതി നൽകിയതോടെ പ്രതി വിദേശത്തേക്കു കടക്കാൻ ശ്രമിച്ചു. അനേഷണം നടത്തിയ മലപ്പുറം പോലീസ് സ്റ്റേഷൻ എസ്.എച്ച്. ഒ വിഷ്ണുവിൻ്റെ നേതൃത്വത്തിൽ ബംഗളൂരു വിമാനത്താവള പരിസരത്തു നിന്നാണ് പ്രതിയെ പിടികൂടിയത്.