പിആര്‍ ശ്രീജേഷിനുള്ള കേരളസര്‍ക്കാരിന്റെ പാരിതോഷികം ഇന്ന് പ്രഖ്യാപിക്കും. ടോക്കിയോ ഒളിംപിക്‌സിന്‍ ഇന്ത്യക്കായി വെങ്കല മെഡല്‍ നേടിയ ഹോക്കി ടീം ഗോള്‍ക്കീപ്പറാണ് മലയാളിയായ ശ്രീജേഷ്. നേരത്തേ സംസ്ഥാന സര്‍ക്കാരിന്റെ പാരിതോഷികം പ്രഖ്യാപിക്കുന്നതിലെ താമസത്തെ പലരും വിമര്‍ശിച്ചിരുന്നു.
അതേസമയം ഒളിംപിക്‌സില്‍ കരസ്ഥമാക്കിയ മെഡല്‍ മലയാളികള്‍ക്കുള്ള ഓണസമ്മാനമാണെന്ന് പിആര്‍ ശ്രീജേഷ് പറഞ്ഞു. നെടുമ്പാശേരി വിമാനത്തില്‍ ഇറങ്ങുമ്പോഴായിരുന്നു അദ്ദേഹത്തിന്റെ പ്രതികരണം. തന്റെ വിജയം കേരളത്തിലെ ഹോക്കി താരങ്ങള്‍ക്ക് വലിയ പ്രചോദനമാകുമെന്ന് അദ്ദേഹം പറഞ്ഞു.
