Publish Date: Sun, 30 Aug 2020 (11:07 IST)
Updated Date: Sun, 30 Aug 2020 (13:03 IST)
പിഎസ്സി റാങ്ക് ലിസ്റിലുള്ളയാള് ജോലി കിട്ടാത്ത വിഷമത്തില് ആത്മഹത്യ ചെയ്തതായി റിപ്പോര്ട്ട്. കുന്നത്തുകാലില് തട്ടിട്ടമ്പലം സ്വദേശി അനു (28) ആണ് വീടിനുള്ളില് തൂങ്ങിമരിച്ചത്
കൂലിപ്പണി ചെയ്ത് ബിരുദം നേടിയ അനു സിവില് എക്സൈസ് ഓഫീസര് റാങ്ക് ലിസ്റ്റിലെ 76-ാം റാങ്കുകാരനായിരുന്നു. ഈയിടെയാണ് പി.എസ് സി യുടെ ഈ റാങ്ക് ലിസ്റ്റ് കാലാവധി കഴിഞ്ഞത്. ഇതില് മനംനൊന്താണ് ആണ് മരിച്ചതെന്ന് ബന്ധുക്കള് പറയുന്നു. ഈ വിവരം അനു തന്റെ ആത്മഹത്യാ കുറിപ്പിലും എഴുതിവെച്ചിട്ടുണ്ട്.
കഴിഞ്ഞ ഏപ്രിലിലായിരുന്നു സിവില് എക്സൈസ് ഓഫീസര് റാങ്ക് ലിസ്റ്റിന്റെ കാലാവധി അവസാനിച്ചത്. എന്നാല് കോവിഡ് പശ്ചാത്തലത്തില് കാലാവധി രണ്ട് മാസം കൂടി നീട്ടിയിരുന്നെങ്കിലും ജൂണ് ഇരുപതോടെ അതും അവസാനിച്ചു.
