Publish Date: Tue, 26 Sep 2023 (16:49 IST)
Updated Date: Tue, 26 Sep 2023 (16:50 IST)
സംസ്ഥാനത്ത് ഇന്നും നാളെയും ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്ക് സാധ്യത. കേരളത്തില് വ്യാഴാഴ്ച മുതല് അഞ്ച് ദിവസത്തേക്ക് വീണ്ടും മഴ ശക്തമാകും. ഇടിമിന്നലോടു കൂടിയ മഴയ്ക്കും 30 കിലോമീറ്റര് മുതല് 40 കിലോമീറ്റര് വരെ വേഗത്തില് വീശിയടിച്ചേക്കാവുന്ന കാറ്റിനും സാധ്യതയുള്ളതായി കേന്ദ്ര കാലാവസ്ഥ വകുപ്പ് അറിയിച്ചു.
മഴ ശക്തമാകാന് സാധ്യതയുള്ളതിനാല് മലയോര മേഖലകളില് പ്രത്യേക ജാഗ്രത പുലര്ത്തണം. കിഴക്കന് ഉത്തര്പ്രദേശിനു മുകളില് ചക്രവാതചുഴി നിലനില്ക്കുന്നു. തെലുങ്കാനയ്ക്ക് മുകളിലും മധ്യ പടിഞ്ഞാറന് ബംഗാള് ഉള്ക്കടലില് ആന്ധ്രാപ്രദേശ് തീരത്തിനു മുകളിലും ചക്രവാതചുഴികള് സ്ഥിതി ചെയ്യുന്നുണ്ട്. കൂടാതെ ബംഗാള് ഉള്ക്കടലില് ന്യൂനമര്ദ്ദ സാധ്യതയും ഇതുമൂലമാണ് സംസ്ഥാനത്ത് മഴ വീണ്ടും ശക്തമാകുന്നത്.
