കിറ്റ് വിതരണത്തിലെ ക്രമക്കേട്: റേഷന്‍കട സസ്‌പെന്‍ഡ് ചെയ്തു

എറണാകുളം: കിറ്റ് വിതരണത്തില്‍ ക്രമക്കേട് കണ്ടെത്തിയതിനെ തുടര്‍ന്ന് നടത്തിയ അന്വേഷണത്തിനൊടുവില്‍ റേഷന്‍ കട സസ്‌പെന്‍ഡ് ചെയ്തു. പെരുമ്പാവൂരിലെ പി.പി.റോഡിലെ പി.കെ.അഷറഫ് നടത്തിവന്ന എ.ആര്‍.ഡി 29 നമ്പര്‍ കടയാണ് സസ്‌പെന്‍ഡ് ചെയ്തത്.

കോവിഡ് കാലത്തെ അതിജീവനത്തിനുള്ള സൗജന്യമായി വിതരണം ചെയ്യുന്ന അവശ്യ സാധനങ്ങള്‍ ഉള്ള കിറ്റുകള്‍ പുറത്ത് വില്‍പ്പന നടക്കുന്നു എന്ന പരാതി ഉയര്‍ന്നിരുന്നു. കൂടാതെ കിറ്റിനൊപ്പം ലഭ്യമായ വെളിച്ചെണ്ണ ഉപഭോക്താക്കള്‍ക്ക് നല്‍കുന്നില്ലെന്നും പരാതി ഉണ്ടായി.

തുടര്‍ന്ന് കുന്നത്തുനാട് സിവില്‍ സപ്ലൈസ് ഓഫീസര്‍ നടത്തിയ പരിശോധനയില്‍ ക്രമക്കേട് കണ്ടെത്തുകയും റേഷന്‍കട സസ്‌പെന്‍ഡ് ചെയ്യുകയുമായിരുന്നു.