2019ൽ റോഡപകടങ്ങളും അതിനെ തുടർന്നുണ്ടായ മരണങ്ങളും കഴിഞ്ഞ വർഷത്തിനേക്കാൾ വർദ്ധിച്ചതായി ഗതാഗത മന്ത്രി എ കെ ശശീന്ദ്രൻ. 2018ൽ 40,999 റോഡപകടങ്ങളിൽ നിന്നായി 4333 പേർക്കാണ് ജീവൻ നഷ്ടമായതെങ്കിൽ 2019ൽ ഇത് 41,253 അപകടങ്ങളായും 4,408 മരണങ്ങളുമായി വർദ്ധിച്ചെന്നും മന്ത്രി നിയമസഭയിൽ പറഞ്ഞു.
2019ൽ നിയമലംഘനങ്ങൾക്കെതിരെ മോട്ടോർ വാഹന വകുപ്പ് 2,76,584 കേസുകളാണ് രജിസ്റ്റർ ചെയ്‌തത്. 33,80,72125 രൂപ പിഴയിനത്തിൽ ഈടാക്കിയെന്നും വിവിധ ട്രാഫിക് നിയമലംഘനങ്ങളിൽ പെട്ട 28,020 പേരുടെ ലൈസൻസ് താത്കാലികമായി റദ്ദ് ചെയ്തെന്നും മന്ത്രി നിയമസഭയിൽ രേഖാമൂലം അറിയിച്ചു.
