ശബരിമല ധർമ്മശാസ്താ ക്ഷേത്ര നട ശനിയാഴ്ച തുറക്കും

ശബരിമല: കർക്കിടക മാസ പൂജകൾക്കായി ശബരിമല ധർമ്മശാസ്താ ക്ഷേത്ര നട ശനിയാഴ്ച തുറക്കും. പതിനാറു ശനിയാഴ്ച വൈകുന്നേരം അഞ്ചു മണിക്ക് ക്ഷേത്ര തന്ത്രി കണ്ഠരര് മഹേഷ് മോഹനരുടെ മുഖ്യ കാർമ്മികത്വത്തിൽ മേൽശാന്തി എൻ.പരമേശ്വരൻ നമ്പൂതിരി തിരുനട തുറന്നു ദീപങ്ങൾ തെളിക്കും.

തുടർന്ന് ഗണപതി തുടങ്ങിയ മറ്റു ഉപദേവതാ ക്ഷേത്ര നടകളും തുറന്നു ദീപം തെളിച്ച ശേഷം പതിനെട്ടാം പട്ടിക്ക് മുന്നിലായുള്ള ആഴിയിൽ അഗ്നിപകരും. ഇതിനെ തുടർന്ന് ഭക്തർക്ക് പതിനെട്ടാം പറ്റി കയറിയുള്ള ദർശനത്തിനു അനുമതി നൽകും. വെർച്വൽ ക്യൂ സംവിധാനത്തിലൂടെ ബുക്ക് ചെയ്ത അയ്യപ്പന്മാർക്ക് ദര്ശനത്തിനെത്താൻ. നിലയ്ക്കലിലും സ്പോട്ട് ബുക്കിംഗിന് സൗകര്യം ഉണ്ടായിരിക്കും.

ജൂലായ് പതിനാറു ശനിയാഴ്ച മുതൽ ജൂലൈ 21 വ്യാഴാഴ്ച വരെയാണ് തിരുനട തുറന്നിരിക്കുക. വെർച്വൽ ക്യൂ ബുക്കിംഗ് തുടങ്ങിക്കഴിഞ്ഞു. ജൂലൈ പതിനേഴ് അഥവാ കർക്കിടകം ഒന്നാം തീയതി പുലർച്ചെ അഞ്ചു മണിക്ക് തിരുനട തുറക്കും. അന്നേ ദിവസം മുതൽ പുഷ്‌പാഭിഷേകം, കളഭാഭിഷേകം, നെയ്യഭിഷേകം എന്നെ അഭിഷേകങ്ങളും ഉദയാസ്തമയ പൂജയും പടിപൂജയും അഞ്ചു ദിവസങ്ങളിലും ഉണ്ടായിരിക്കും. 21 രാത്രി പത്ത് മണിക്ക് ഹരിവരാസനം പാടി തിരുനട അടയ്ക്കും.