സന്തോഷ് ട്രോഫി താരങ്ങള്‍ക്ക് സര്‍ക്കാര്‍ ജോലി ലഭ്യമാക്കണമെന്ന് കേരള ഫുട്‌ബോള്‍ അസോസിയേഷന്‍

സന്തോഷ് ട്രോഫി ജേതാക്കളായ താരങ്ങള്‍ക്ക് സര്‍ക്കാര്‍ ജോലി നല്കണമെന്ന്, കേരള ഫുട്ബോള്‍ അസോസിയേഷന്‍ നിര്‍വാഹക സമിതിയോഗം ആവശ്യപ്പെട്ടു.

സന്തോഷ് ട്രോഫിയില്‍ കേരളത്തിനുവേണ്ടി കളിച്ച എല്ലാവര്‍ക്കും കാഷ് അവാര്‍ഡ് പ്രഖ്യാപിക്കണമെന്നും യോഗം അഭ്യര്‍ത്ഥിച്ചു. വീടില്ലാത്ത കായിക താരങ്ങള്‍ക്ക് വീടുകള്‍ നിര്‍മ്മിച്ചു നല്കണമെന്നതാണ് മറ്റൊരു ആവശ്യം. കളിക്കാര്‍ക്ക് കൂടുതല്‍ പ്രോത്സാഹനം നല്കിയാല്‍ കരുത്തുറ്റ കായിക താരങ്ങളെ വാര്‍ത്തെടുക്കാന്‍ സഹായിക്കും.