കെ പി ശശികല അറസ്‌റ്റിൽ; ശശികലയെ അറസ്റ്റ് ചെയ്തത് ഇരുമുടികെട്ടുമേന്തി മരക്കൂട്ടം വരെ എത്തിയപ്പോൾ, സംഭവത്തെത്തുടർന്ന് സംസ്ഥാനത്ത് ഇന്ന് ഹർത്താൽ

കെ പി ശശികല അറസ്‌റ്റിൽ; ശശികലയെ അറസ്റ്റ് ചെയ്തത് ഇരുമുടികെട്ടുമേന്തി മരക്കൂട്ടം വരെ എത്തിയപ്പോൾ, സംഭവത്തെത്തുടർന്ന് സംസ്ഥാനത്ത് ഇന്ന് ഹർത്താൽ

ശനി, 17 നവം‌ബര്‍ 2018 (07:36 IST)
ശബരിമല ദര്‍ശത്തിന് ഇരുമുടി കെട്ടുമായി മല ചവിട്ടിയ ഹിന്ദു ഐക്യവേദി സംസ്ഥാന അധ്യക്ഷ കെ പി ശശികലയെ അറസ്റ്റ് ചെയ്തതില്‍ പ്രതിഷേധിച്ച്‌ ഇന്ന് സംസ്ഥാന വ്യാപക ഹര്‍ത്താലിന് ആഹ്വാനം. ശ​ബ​രി​മ​ല​യി​ലേ​ക്കു പോ​കാ​നാ​യി എ​ത്തി​യ ശ​ശി​ക​ല​യെ മ​ര​ക്കൂ​ട്ട​ത്തു​വ​ച്ച്‌ രാ​ത്രി ഒമ്പതോടെ പോ​ലീ​സ് ത​ടയുകയായിരുന്നു.
 
പ​ത്തി​നു ന​ട അ​ട​യ്ക്കു​ന്ന സാ​ഹ​ച​ര്യ​ത്തി​ല്‍ രാ​ത്രി​യി​ല്‍ യാ​ത്ര ഉ​പേ​ക്ഷി​ക്ക​ണ​മെ​ന്നും തി​രി​ച്ചു​പോ​ക​ണ​മെ​ന്നും പോ​ലീ​സ് ആ​വ​ശ്യ​പ്പെ​ടുകയായിരുന്നു. ഇ​തേ​ത്തു​ട​ര്‍​ന്ന് പോ​ലീ​സു​മാ​യി മ​ര​ക്കൂ​ട്ട​ത്തു ത​ര്‍​ക്ക​മു​ണ്ടാ​യി. ശ​ബ​രി​മ​ല​യി​ലെ​ത്താ​തെ താ​ന്‍ തി​രി​കെ പോ​കി​ല്ലെ​ന്നു ശ​ശി​ക​ല പോ​ലീ​സി​നെ അ​റി​യി​ച്ചു. പൊലീസിന്റെ നിര്‍ദ്ദേശം തള്ളിയതിനെ തുടര്‍ന്ന് അഞ്ചുമണിക്കൂറോളം തടഞ്ഞുവെച്ചതിന് ശേഷമാണ് ശശികലയെ പൊലീസ് അറസ്റ്റ് ചെയ്ത് നീക്കിയത്. 
 
ഹരിവരാസനം പാടി നട അടയ്ക്കുന്നത് തൊഴാനായിരുന്നു ശശികല ടീച്ചർ ശബരിമലയിലേക്ക് പോകാനൊരുങ്ങിയത്. ഇനി ആരേയും സന്നിധാനത്തേക്ക് വിടില്ലെന്ന പൊലീസുകാരുടെ പ്രഖ്യാപനത്തോടെ ശശികല ടീച്ചര്‍ ഉപവാസ സമരം പ്രഖ്യാപിക്കുകയായിരുന്നു. ഇതോടെയാണ് അറസ്‌റ്റിലേക്കുള്ള വഴി തെളിഞ്ഞത്.
 
ശേഷം ഇന്ന് പുലര്‍ച്ചെ രണ്ട് മണിക്കായിരുന്നു ശശികല ടീച്ചറെ അറസ്റ്റ് ചെയ്തത്. ശബരിമല കര്‍മസമിതിയാണ് ഹര്‍ത്താലിന് ആഹ്വാനം ചെയ്തത്. രാവിലെ ആറുമുതല്‍ വൈകിട്ട് ആറുവരെയാണ് ഹര്‍ത്താൽ‍.

വെബ്ദുനിയ വായിക്കുക

അടുത്ത ലേഖനം പ്രതിഷേധം അതിശക്തം; തൃപ്‌തി ദേശായി മടങ്ങുന്നു - തിരികെവരുമെന്ന് ഭൂമാതാ നേതാവ്