സംസ്ഥാനത്തിൻ്റെ മൊത്തം കടബാധ്യത 3,32,291 കോടിയാണെന്ന് സംസ്ഥാന സർക്കാർ. 2010-2011 വർഷവുമായി താരതമ്യപ്പെടുത്തുമ്പോൾ സംസ്ഥാനത്തിൻ്റെ പൊതുകടം ഇരട്ടിയായി. എന്നാൽ സാമ്പത്തിക പ്രതിസന്ധിയിൽ ധവളപത്രം ഇറക്കേണ്ട സാഹചര്യമില്ലെന്ന് ധനമന്ത്രി കെ എൻ ബാലഗോപാലിന് വേണ്ടി മന്ത്രി കെ രാധാകൃഷ്ണൻ നിയമസഭയെ അറിയിച്ചു.
കൊവിഡ് പ്രതിസന്ധിയാണ് സംസ്ഥാനത്തിന് വലിയ തിരിച്ചടിയായതെന്നും എന്നാൽ ഉമ്മൻ ചാണ്ടി സർക്കാരിൻ്റെ കാലത്തേക്കാൾ കടം കുറഞ്ഞുവെന്നും മന്ത്രി പറഞ്ഞു. അതേസമയം കേരളത്തിൻ്റെ അവസ്ഥ ശ്രീലങ്കയ്ക്ക് സമാനമാണെന്ന് പ്രതിപക്ഷം കുറ്റപ്പെടുത്തി.
