കെ.എസ്.ആർ.ടി.സി ഡിപ്പോ എഞ്ചിനീയർ ജീവനൊടുക്കിയ നിലയിൽ

തിരുവനന്തപുരം:  തിരുവനന്തപുരം പാപ്പനംകോട് കെ.എസ്.ആർ.ടി.സി ഡിപ്പോ എഞ്ചിനീയറെ തൂങ്ങിമരിച്ച നിലയിൽ കണ്ടെത്തി. മലപ്പുറം സ്വദേശിയായ മനോജ് ആണ് തൂങ്ങിമരിച്ചത്.  

ഇന്ന് പുലർച്ചെ ഇദ്ദേഹം താമസിച്ചിരുന്ന മുറിക്കുള്ളിൽ സഹപ്രവർത്തകരാണ് ഇദ്ദേഹത്തെ ജീവനൊടുക്കിയ നിലയിൽ കണ്ടെത്തിയത്. അടുത്തിടെയാണ് ഇദ്ദേഹം കണ്ണൂരിൽ നിന്ന് ഇവിടേക്ക് സ്ഥലം മാറിവന്നത്. എന്നാൽ ഇദ്ദേഹം അധികമായി ആരുമായിട്ടും സംസാരിക്കില്ലായിരുന്നു. ആത്മഹത്യയുടെ കാരണം ഇതുവരെ വ്യക്തമായിട്ടില്ല.

എന്നാൽ മനോജ് വീടു വയ്ക്കുന്നതുമായി ബന്ധപ്പെട്ടു വായ്പ സംബന്ധിച്ച് ബാങ്കിൽ പോയപ്പോൾ കെ.എസ്.ആർ.ടി.സി ജീവനക്കാരനായതിനാൽ വായ്പ ലഭിക്കില്ലെന്ന് ബാങ്ക് അധികാരികൾ പറഞ്ഞതായി അറിയാൻ കഴിഞ്ഞു. ഇതിൽ മനോജിന് വിഷമം ഉണ്ടായിരുന്നു എന്നാണു സഹപ്രവർത്തകർ പറയുന്നത്.