പ്രായപൂര്‍ത്തിയാകാത്ത പെണ്‍കുട്ടിയുടെ ആത്മഹത്യ: പെണ്‍ സുഹൃത്ത് അറസ്റ്റില്‍

തൃശൂര്‍: പ്രായപൂര്‍ത്തി ആകാത്ത പെണ്‍കുട്ടി ആത്മഹത്യ ചെയ്ത സംഭവുമായി ബന്ധപ്പെട്ട് പെണ്‍ സുഹൃത്ത് അറസ്റ്റില്‍. കഴിഞ്ഞയാഴ്ച തൃശൂരിലെ തിരുവമ്പാടിക്കടുത്ത വീട്ടിലാണ് കുട്ടിയെ തൂങ്ങിമരിച്ച നിലയില്‍ കണ്ടെത്തിയത്. കുട്ടിയുടെ സുഹൃത്തായ വരന്തരപ്പിള്ളി ചക്കുങ്ങല്‍ വീട്ടില്‍ അഭിരാമി (24) യാണ് ഇപ്പോള്‍ അറസ്റ്റിലായത്.

യുവതിക്കെതിരെ പോക്‌സോ കേസും ആത്മഹത്യാ പ്രേരണാ കുറ്റവും ചുമത്തിയിട്ടുണ്ട്. അഭിരാമിയുടെ ഫോണില്‍ നിന്ന് പെണ്കുട്ടിയുമൊത്തുള്ള ചിത്രങ്ങള്‍ ലഭിച്ചിട്ടുണ്ട്. മരിച്ച കുട്ടിക്ക് മറ്റൊരു ആണ്‍കുട്ടി യുമായുള്ള  ബന്ധം വിലക്കിയതിലെ മാനസിക സമ്മര്‍ദ്ദമാണ് കുട്ടി ആത്മഹത്യ ചെയ്യാന്‍ ഇടയാക്കിയതെന്നാണ് കണ്ടെത്തിയത്.