നിമിഷ പ്രിയയ്ക്ക് മാപ്പില്ല, ഒരു ഒത്തുതീര്‍പ്പിനും ഇല്ലെന്ന് തലാലിന്റെ സഹോദരന്‍

കൂടാതെ കുടുംബത്തിലെ മറ്റ് പലരും നിമിഷപ്രിയയ്ക്ക് മാപ്പ് നല്‍കണമെന്ന് നിലപാടിലാണെന്നും റിപ്പോര്‍ട്ടുകള്‍ വരുന്നുണ്ട്.

നിമിഷ പ്രിയയ്ക്ക് മാപ്പില്ലെന്നും ഒരു ഒത്തുതീര്‍പ്പിനും ഇല്ലെന്നും തലാലിന്റെ സഹോദരന്‍ പറഞ്ഞതായി റിപ്പോര്‍ട്ട്. ദയാധനം വേണ്ടെന്ന നിലപാടും കൊല്ലപ്പെട്ട തലാലിന്റെ സഹോദരന്‍ എടുത്തതായാണ് റിപ്പോര്‍ട്ടുകള്‍ പുറത്തുവരുന്നത്. കൂടാതെ കുടുംബത്തിലെ മറ്റ് പലരും നിമിഷപ്രിയയ്ക്ക് മാപ്പ് നല്‍കണമെന്ന് നിലപാടിലാണെന്നും റിപ്പോര്‍ട്ടുകള്‍ വരുന്നുണ്ട്. 

കുടുംബത്തിലെ അഭിപ്രായഭിന്നതയാണ് പ്രധാന പ്രശ്‌നമായി മാറിയിട്ടുള്ളത്. അതേസമയം പരസ്യ പ്രതികരണം ഒഴിവാക്കണമെന്നും വിദേശകാര്യമന്ത്രാലയം നിര്‍ദ്ദേശം നല്‍കിയിട്ടുണ്ട്. ഇത് യമനില്‍ ക്രമസമാധാന പ്രശ്‌നങ്ങള്‍ക്ക് ഇടയാക്കില്ലെന്ന് ഉറപ്പാക്കേണ്ടതുണ്ടെന്ന് കേന്ദ്രസര്‍ക്കാര്‍ പറയുന്നു. തിങ്കളാഴ്ച യമന്‍ പ്രസിഡന്റ് വിഷയത്തില്‍ ഇടപെട്ടിരുന്നുവെന്നും കേന്ദ്രം വ്യക്തമാക്കി.

നിമിഷ പ്രിയയുടെ വധശിക്ഷ നടപ്പാക്കേണ്ടത് ഇന്നായിരുന്നു. കഴിഞ്ഞദിവസം തന്നെ ഇത് മാറ്റിവെച്ചു കൊണ്ടുള്ള കോടതി ഉത്തരവ് പുറത്തുവന്നിരുന്നു. അടുത്ത അറിയിപ്പ് വരുന്നതുവരെ വധശിക്ഷാ നടപടി നിര്‍ത്തിവച്ചിരിക്കുന്നു എന്നാണ് ഉത്തരവില്‍ പറയുന്നത്.