തിരുവനന്തപുരം: വീട്ടമ്മ കൂടിയായ ഭാര്യ ജീവനൊടുക്കിയതിന്റെ മൂന്നാം നാൾ ഭർത്താവും ജീവനൊടുക്കി. കണ്ണമ്മൂല അറപ്പുര ലെയിൻ കൊല്ലൂർ വീട്ടിൽ ബിജു എന്ന നാല്പത്തേഴുകാരനാണ് ഇപ്പോൾ വീട്ടിൽ ജീവനൊടുക്കിയത്. ശനിയാഴ്ച വൈകിട്ടായിരുന്നു ബിജു വീട്ടിനുള്ളിൽ തൂങ്ങിമരിച്ചത്.
ഇയാളുടെ ഭാര്യ വിദ്യയെ (44) വ്യാഴാഴ്ച ഉച്ചയോടെ വീട്ടിൽ തൂങ്ങിമരിച്ച നിലയിൽ കണ്ടെത്തിയിരുന്നു. ഇവരുടെ മരണം ബിജുവിനെ ഏറെ വിഷമിപ്പിച്ചിരുന്നതായി സമീപവാസികളും ബന്ധുക്കളും പറയുന്നു. ഭാര്യ മരിച്ചതിന്റെ വിഷമത്തിലാണ് ബിജുവും മരിച്ചതെന്ന് പോലീസും കരുതുന്നു.
എന്നാൽ വിദ്യയുടെ ആത്മഹത്യയുടെ കാരണം അറിവായിട്ടില്ല. മൃതദേഹം മെഡിക്കൽ കോളേജ് ആശുപത്രിയിൽ സൂക്ഷിച്ചിട്ടുണ്ട്. പോലീസ് കേസെടുത്തു അന്വേഷണം ആരംഭിച്ചിട്ടുണ്ട്. കൂടുതൽ വിവരങ്ങൾ അറിവായിട്ടില്ല.
