റോഡില്‍ പണികഴിഞ്ഞ് അധികകാലം ആകുന്നതിനു മുന്‍പേ ടാര്‍ പൊട്ടിപ്പൊളിഞ്ഞ സ്ഥിതിയില്‍ പ്രതിഷേധിച്ച് തൃശൂര്‍ മെഡിക്കല്‍ കോളേജിലെ ഡോക്ടര്‍. പരസ്യമായി വസ്ത്രം അഴിച്ച് ജെട്ടി ചലഞ്ചിന് ആഹ്വാനം ചെയ്തിരിക്കുകയാണ് അസിസ്റ്റന്റ്് പ്രൊഫസര്‍ ഡോ. സിവി കൃഷ്ണകുമാര്‍. പ്രതിഷേധ പ്രസംഗം നടത്തിയ ശേഷം അടിവസ്ത്രം അഴിച്ച് റോഡില്‍ എറിയുകയായിരുന്നു ഇദ്ദേഹം.
റോഡ് തകര്‍ന്നതില്‍ മന്ത്രിയും എംഎല്‍എയും അഴിമതി നടത്തിയെന്ന് ഇദ്ദേഹം പറഞ്ഞു. എന്നാല്‍ ഡോക്ടറുടെ വീഡിയോ വൈറലായതോടെ മെഡിക്കല്‍ കോളേജ് വിശദീകരണം തേടി. തനിക്ക് തെറ്റ് പറ്റിയതായും മാപ്പപേക്ഷിക്കുന്നതായും ഡോക്ടര്‍ പറഞ്ഞതായി മെഡിക്കല്‍ കോളേജ് പ്രിന്‍സിപ്പല്‍ അറിയിച്ചു.