തൃശൂര്‍ പൂരത്തിന് വിളംബരമായി, വൈകുന്നേരം ആനകളുടെ ശാരീരിക പരിശോധന

തൃശൂര്‍ പൂരത്തിന് വിളംബരമായി. രാവിലെ പതിനൊന്നരയോടെ കുറ്റൂര്‍ നെയ്തലക്കാവ് ഭഗവതി തെക്കെഗോപുര നട തുറന്ന് ഘടക പൂരങ്ങളെ സ്വാഗതം ചെയ്തു. എറണാകുളം ശിവകുമാര്‍ ആണ് തിടമ്പേറ്റിയത്. 

വൈകിട്ട് ഘടക പൂരങ്ങള്‍ക്കും ഇരു ദേവസ്വങ്ങള്‍ക്കുമുള്ള ആനകളുടെ ശാരീരിക പരിശോധന തേക്കിന്‍കാട് നടക്കും. പൂരത്തിന് മുന്നോടിയായി ഇന്നലെ വൈകിട്ട് സാമ്പിള്‍ വെടിക്കെട്ട് നടന്നു. എട്ട് മണിയോടെ തുടങ്ങിയ വെടിക്കെട്ട് 9.30 ഓടെ പൂര്‍ത്തിയായി.