അഞ്ചുതെങ്ങ് മുതലപ്പൊഴിയില്‍ വീണ്ടും അപകടം. ശക്തമായ തിരയില്‍പെട്ട് വള്ളം മറിഞ്ഞുണ്ടായ അപകടത്തില്‍ ഒരു ജീവന്‍ കൂടി നഷ്ടമായി. അഞ്ചുതെങ്ങ് കേട്ടുപുര സ്വദേശി ജോണ്‍പോള്‍ (46) ആണ് മരിച്ചത്. നാലു പേരടങ്ങുന്ന സംഘമാണ് രാവിലെ മത്സ്യബന്ധനത്തിനായി പോയത്. ശക്തമായ കാറ്റുള്ളതിനാല്‍ കടലില്‍ പോകുന്നതിന് വിലക്ക് ഉണ്ടായിരുന്നതാണ്. മടങ്ങിവരുമ്പോള്‍ ശക്തമായ തിരയില്‍പ്പെട്ടാണ് അപകടം ഉണ്ടായത്. ഇവിടെ നേരത്തേയും അപകടം ഉണ്ടായിരുന്നു.
