തിരുവനന്തപുരം പാറശാല സ്റ്റേഷനിലെ രണ്ട് എഎസ്‌ഐമാര്‍ക്ക് കൊവിഡ് സ്ഥിരീകരിച്ചു. കാഞ്ഞിരംകുളം മാവിളക്കടവ് സ്വദേശികളാണ് രോഗബാധിതര്‍. ഇരുവരും സ്റ്റേഷനില്‍ ഡ്യൂട്ടിയിലുണ്ടായിരുന്ന ഉദ്യോഗസ്ഥരാണ്. ഇതേതുടര്‍ന്ന് പ്രാഥമിക സമ്പര്‍ക്ക പട്ടികയില്‍ വന്ന 9 പൊലീസുകാര്‍ നിരീക്ഷണത്തിലായി.
അതേസമയം പാറശാല മേഖലകളില്‍ കൊവിഡ് രൂക്ഷമായി തുടരുകയാണ്. ഗ്രേഡ് എസ് ഐ, വ്യാപാരസ്ഥാപനത്തിലെ ജീവനക്കാര്‍ എന്നിവരുള്‍പ്പെടെ 20തോളം പേര്‍ക്ക് കൊവിഡ് സ്ഥിരീകരിച്ചിരുന്നു. ഇതേത്തുടര്‍ന്ന് പാറശാല സ്റ്റേഷനിലെയും ചെക്ക് പോസ്റ്റിലേയും പത്തുപോലീസുകാരെ സ്രവ പരിശോധനയ്ക്ക് വിധേയമാക്കിയ ശേഷം ക്വാറന്റൈനില്‍ ആക്കിയിരുന്നു.
