വര്‍ക്കലയില്‍ പത്താം ക്ലാസ് വിദ്യാര്‍ത്ഥിനി തൂങ്ങിമരിച്ച നിലയില്‍. വര്‍ക്കല ഗവണ്‍മെന്റ് മോഡല്‍ ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥിനി ആര്യകൃഷ്ണനാണ് മരിച്ചത്. 16 വയസ്സായിരുന്നു. വീട്ടിലെ കിടപ്പുമുറിയിലാണ് തൂങ്ങിമരിച്ച നിലയില്‍ കണ്ടെത്തിയത്. പഠിക്കാന്‍ മിടുക്കിയായിരുന്ന വിദ്യാര്‍ത്ഥിനിക്ക് ക്രിസ്മസ് പരീക്ഷയില്‍ മാര്‍ക്ക് കുറഞ്ഞിരുന്നു. ഇതില്‍ കുട്ടിക്ക് വിഷമം ഉണ്ടായിരുന്നതായി അധികൃതരും അധ്യാപകരും പറഞ്ഞു. കഴിഞ്ഞദിവസം വൈകുന്നേരം വീട്ടിലെത്തിയ സഹോദരനാണ് മൃതദേഹം കണ്ടെത്തിയത്.
