തിരുവനന്തപുരത്ത് വാഹനമുടമയായ ഭാര്യയുടെ ഫോണില്‍ എഐ ക്യാമറയുടെ ചിത്രമെത്തി, ഭര്‍ത്താവിന്റെ ബൈക്കിനുപിന്നില്‍ മറ്റൊരു യുവതി: കുടുംബം കലങ്ങി

എ ഐ ക്യാമറ വന്നതുമൂലം പൊല്ലാപ്പിലായിരിക്കുകയാണ് തിരുവനന്തപുരം സ്വദേശി. ബൈക്കിനുപിന്നിലിരുന്നയാള്‍ ഹെല്‍മറ്റ് ധരിക്കാതെ വന്നതിന് പിന്നാലെ പിഴയുടെ വിവരം ചിത്രമടക്കം ആര്‍സി ഉടമയായ ഭാര്യയുടെ ഫോണിലേക്ക് എത്തിയതാണ് പണിയായത്. വാഹനത്തിന് പിന്നിലിരുന്നത് യുവതിയായതാണ് കുടുംബ കലഹത്തിന് കാരണമായത്. വിവരം ഭര്‍ത്താവിനോട് തിരക്കിയതിന് പിന്നാലെ വീട്ടില്‍ വഴക്കുണ്ടാകുകയായിരുന്നു.

പിന്നാലെ ഭര്‍ത്താവ് തന്നെ മര്‍ദ്ദിച്ചെന്ന് കാട്ടി ഭാര്യ പൊലീസ് സ്റ്റേഷനിലെത്തിയതോടെയാണ് സംഭവം പുറത്തറിയുന്നത്. കരമന പൊലീസ് സ്റ്റേഷനില്‍ കഴിഞ്ഞ ദിവസമാണ് പരാതി ലഭിച്ചത്. സംഭവം. ഭര്‍ത്താവിനെ പൊലീസ് അറസ്റ്റ് ചെയ്ത് കോടതിയില്‍ ഹാജരാക്കി.