തിരുവനന്തപുരം മെഡിക്കല്‍കോളേജില്‍ ഇന്ന് വീണ്ടും ആത്മഹത്യ. കൊവിഡ് നിരീക്ഷണത്തില്‍ കഴിഞ്ഞിരുന്ന നെടുമങ്ങാട് ഹൗസിംഗ് ബോര്‍ഡ് കോളജി സ്വദേശി മുരുകേശനാണ് (38) മരിച്ചത്. ഇന്നുവൈകുന്നേരമായിരുന്നു സംഭവം. ഉടുമുണ്ട് ഫാനില്‍ കെട്ടി തൂങ്ങിയ നിലയിലാണ് കണ്ടെത്തിയത്.
ഇന്നുരാവിലെ 11.30 മണിക്കാണ് തിരുവനന്തപുരം മെഡിക്കല്‍ കോളജില്‍ ആനാട് സ്വദേശി ഉണ്ണി (33) തൂങ്ങിമരിച്ചത്. കോവിഡ്19 രോഗത്തിന് ചികിത്സയിലായിരുന്ന ഇയാള്‍ ജീവനക്കാരുടെ കണ്ണുവെട്ടിച്ച് ഇന്നലെ മുങ്ങിയിരുന്നു. ഐസൊലേഷന്‍ മുറിയില്‍ തൂങ്ങിയനിലയില്‍ കണ്ടെത്തിയ ഇയാളെ ഗുരുതര നിലയില്‍ തീവ്രപരിചരണ വിഭാഗത്തില്‍ പ്രവേശിപ്പിച്ചെങ്കിലും ഉച്ചയോടെ മരിക്കുകയായിരുന്നു.
