കാട്ടില്‍നിന്ന് പിടിച്ചുകൊണ്ടുവന്നു, കള്ളനെന്നുവിളിച്ചു, അടിക്കുകയും ചവിട്ടുകയും ചെയ്തു: മധുവിന്‍റെ മൊഴി

ആദിവാസി യുവാവ് മധുവിന്‍റെ മരണമൊഴി പുറത്ത്. തന്നെ കാട്ടില്‍ നിന്ന് നാട്ടുകാര്‍ പിടിച്ചുകൊണ്ടുവരികയായിരുന്നു എന്നും കള്ളനെന്ന് വിളിച്ചെന്നും അടിക്കുകയും ചവിട്ടുകയും ചെയ്തെന്നുമാണ് മൊഴി. 

കാട്ടില്‍ നിന്ന് പിടിച്ച് ജീപ്പില്‍ കയറ്റിയപ്പോള്‍ കള്ളനെന്ന് വിളിച്ച് അടിക്കുകയും ചവിട്ടുകയും ചെയ്തെന്നാണ് മൊഴി. എഫ് ഐ ആറിലാണ് പൊലീസ് മധുവിന്‍റെ മൊഴി രേഖപ്പെടുത്തിയിട്ടുള്ളത്.

തന്നെ കാട്ടില്‍ നിന്ന് പിടിച്ചുകൊണ്ടുവന്നവരുടെ പേരും മധു പൊലീസിനോട് പറഞ്ഞിട്ടുണ്ട്. മനു, അബ്‌ദുള്‍ ലത്തീഫ്, ഹുസൈന്‍, മത്തച്ചന്‍, അബ്‌ദുള്‍ റഹ്‌മാന്‍, അബ്‌ദുള്‍ കരീം, എ പി ഉമ്മര്‍ എന്നിവരാണ് തന്നെ പിടിച്ചുകൊണ്ടുവന്നതെന്നാണ് മധു മൊഴി നല്‍കിയിരിക്കുന്നത്.

പൊലീസ് മൊഴി രേഖപ്പെടുത്തി അധികം വൈകാതെ മധു മരണത്തിന് കീഴടങ്ങുകയായിരുന്നു. അബ്ദുള്‍ കരീം, ഹുസൈന്‍ എന്നിവരെ പൊലീസ് ഇതിനോടകം കസ്റ്റഡിയിലെടുത്തിട്ടുണ്ട്.