Publish Date: Thu, 09 Jan 2025 (19:28 IST)
Updated Date: Thu, 09 Jan 2025 (19:31 IST)
വാളയാര് കേസില് പെണ്കുട്ടികളുടെ മാതാപിതാക്കളെ പ്രതിചേര്ത്ത് സിബിഐ കുറ്റപത്രം സമര്പ്പിച്ചു. തിരുവനന്തപുരം സിബിഐ യൂണിറ്റ് ആണ് കൊച്ചി സിബിഐ മൂന്നാം കോടതിയില് കുറ്റപത്രം സമര്പ്പിച്ചത്. പ്രേരണ കുറ്റം ചുമത്തിയ കുറ്റപത്രത്തില് കുട്ടികളുടെ അച്ഛനും അമ്മയും പ്രതികളാണ്. കുട്ടികള് ബലാത്സംഗത്തിന് ഇരയായ വിവരം മുന്കൂട്ടി അറിഞ്ഞിട്ടും മാതാപിതാക്കള് പോലീസില് അറിയിച്ചില്ല. പോക്സോ വകുപ്പുകളും ഐപിസി വകുപ്പുകളും മാതാപിതാക്കള്ക്കെതിരെ ചുമത്തിയിട്ടുണ്ട്.
നേരത്തെ സംസ്ഥാന പോലീസ് നടത്തിയ അന്വേഷണത്തിലും ഇത്തരത്തിലുള്ള കണ്ടെത്തലുകള് ഉണ്ടായിരുന്നു. കുട്ടികള് ശാരീരിക ചൂഷണത്തിനിരയായത് മാതാപിതാക്കള്ക്ക് അറിവുണ്ടായിരുന്നുവെന്നും പോലീസ് കണ്ടെത്തിയിരുന്നു. എങ്കിലും മാതാപിതാക്കളെ പോലീസ് സാക്ഷികളാക്കുകയായിരുന്നു.
