തൃശൂരില്‍ വന്ദേഭാരത് എക്സ്പ്രസിനുനേരെ കല്ലേറ്. രണ്ട് കോച്ചുകളുടെ ചില്ല് പൊട്ടി. ഇന്ന് രാവിലെ ഒന്‍പതുമണിക്ക് തിരുവനന്തപുരത്ത് നിന്നും കാസര്‍കോട്ടേക്ക് പോയ ട്രെയിനിനു നേരെയാണ് കല്ലേറുണ്ടായത്. സി2,സി4 കോച്ചുകളുടെ ചില്ലാണ് പൊട്ടിയത്. മാനസിക പ്രശ്നമുള്ള ആളാണ് പ്രതിയെന്നും ഇയാളെ അറസ്റ്റുചെയ്തുവെന്നും ആര്‍പിഎഫ് അറിയിച്ചു.
കഴിഞ്ഞ മേയില്‍ വന്ദേഭാരതിനുനേരെ മലപ്പുറത്തുവച്ച് കല്ലേറ് ഉണ്ടായിരുന്നു. ട്രെയിന്‍ തിരൂര്‍ വിട്ട് തിരുനാവായ റെയില്‍വേ സ്റ്റേഷന്‍ എത്തുന്നതിന് തൊട്ടുമുന്‍പാണ് ആക്രമണമുണ്ടായത്. പിന്നീട് ഓഗസ്റ്റ് 16ന് വൈകിട്ട് തലശേരിയ്ക്കും മാഹിയ്ക്കുമിടയില്‍ വച്ച് കല്ലേറുണ്ടായി.
