Publish Date: Mon, 03 Aug 2020 (18:04 IST)
Updated Date: Mon, 03 Aug 2020 (18:10 IST)
കോവിഡ് വ്യാപനം രൂക്ഷമായ മാനന്തവാടി താലൂക്കില് സ്ഥിതിഗതികള് നിയന്ത്രണ വിധേയമാക്കുന്നതിന്റെ ഭാഗമായി ഇന്ന് രാത്രി 9 മണി മുതല് ആഗസ്റ്റ് 10 വരെ സി.ആര്.പി.സി സെക്ഷന് 144 (1), (2), (3) പ്രകാരം ജില്ലാ കലക്ടര് ഡോ. അദീല അബ്ദുല്ല നിരോധനാജ്ഞ പുറപ്പെടുവിച്ചു. 144പ്രകാരം പൊതുസ്ഥലത്ത് ഒരു സമയത്ത് അഞ്ചില് കൂടുതല് ആളുകള് ഒരുമിച്ച് കൂടാനോ സാംസ്കാരിക, മത ചടങ്ങുകളും ആഘോഷ പരിപാടികളും നടത്താനോ പാടില്ല.
ആദിവാസി കോളനികളിലേക്കുള്ള പ്രവേശനം, വിവാഹം, ഗൃഹപ്രവേശം മുതലായ ചടങ്ങുകള് (ശവ സംസ്കാര ചടങ്ങുകള് ഒഴികെ- പരമാവധി അഞ്ചു പേര്ക്ക് പങ്കെടുക്കാം),എല്ലാ ആരാധനാ കേന്ദ്രങ്ങളിലെയും ഒരുമിച്ച്ചേരലും ഗ്രൂപ്പ് മത്സരങ്ങളും ടൂര്ണമെന്റുകളും ഗ്രൗണ്ടിലെ കളികളും നിരോധിച്ചിട്ടുണ്ട്.
