സംസ്ഥാനത്ത് പച്ചക്കറികള്‍ക്ക് തീവിലയായി. ഒരാഴ്ചക്കിടെയാണ് വലിയ വിലവര്‍ധനവ് ഉണ്ടായിരിക്കുന്നത്. ഒരു കിലോ തക്കളിക്ക് 30 രൂപയായിരുന്നത് ഇപ്പോള്‍ 80 രൂപയായി ഉയര്‍ന്നു. 30രൂപ വിലയിലായിരുന്ന മുരിങ്ങയ്ക്ക 120 രൂപയിലേക്ക് പോയി. 30-40 രൂപയോടടുത്തുണ്ടായിരുന്ന പച്ചക്കറികള്‍ക്കാണ് ഇപ്പോള്‍ നൂറിനോടടുത്ത് വില വരുന്നത്. രണ്ടാഴ്ചക്കിടെ 10മുതല്‍ 20 ശതമാനം വിലവര്‍ധനവാണ് ഉണ്ടായിരിക്കുന്നത്. പച്ചക്കറി കൂടാതെ പലചരക്ക് സാധനങ്ങളുടെ വിലയും ഉയര്‍ന്നിട്ടുണ്ട്.
തമിഴ്‌നാട്ടില്‍ കനത്ത മഴയെ തുടര്‍ന്ന് പച്ചക്കറികള്‍ വരുന്നത് കുറഞ്ഞതാണ് വിലവര്‍ധനവിനിടയാക്കിയത്.
