കേരളത്തിന് വെല്ലൂർ ഇൻസ്റ്റിറ്റ്യൂട്ടിന്റെ ‘കോടി’കൈത്താങ്ങ്

മുഖ്യമന്ത്രിയുടെ ദുരിതാശ്വാസനിധിയിലേക്ക് വെല്ലൂർ ഇൻസ്റ്റിറ്റ്യൂട്ട് 1 കോടി നൽകി

കേരളത്തെ ഒറ്റയടിക്ക് വെള്ളപൊക്കം കാര്‍ന്ന് തിന്നുകയാണ്. മുഖ്യമന്ത്രിയുടെ ദുരിതാശ്വാസനിധിയിലേക്ക് നിരവധിയാളുകളാണ് സംഭാവന നൽകുന്നത്. സഹായങ്ങൾ നൽകി അയൽ‌സംസ്ഥാനങ്ങളും മുൻപന്തിയിൽ തന്നെയുണ്ട്. ഇപ്പോഴിതാ, വെല്ലൂർ ഇൻസ്റ്റിറ്റ്യൂട്ട് ഓഫ് ടെക്നോളജിയും മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന നൽകിയിരിക്കുന്നു. 

ഒരു കോടി രൂപയാണ് വെല്ലൂർ ഇൻസ്റ്റിറ്റ്യൂട്ട് ഓഫ് ടെക്നോളജി ദുരിതാശ്വാസനിധിയിലേക്ക് നൽകിയത്. ഇൻസ്റ്റിറ്റ്യൂട്ടിലെ അധ്യാപകരും വിദ്യാർത്ഥികളും മറ്റ് സ്റ്റാഫുകളും ചേർന്ന് പിരിച്ചെടുത്ത തുകയാണിത്. 1 കോടി രൂപയുയുടെ ചെക്ക് വെല്ലൂർ ഇൻസ്റ്റിറ്റ്യൂട്ടിന്റെ ചാൻ‌സ്‌ലെർ ജി വിശ്വനാഥൻ മുഖ്യമന്ത്രി പിണറായി വിജയന് കൈമാറി.

നേരത്തേ, തമിഴ്നാട്ടിൽ നിന്നും സിനിമ, സാം‌സ്കാരിക മേഖലകളിൽ നിന്നും നിരവധിയാളുകൾ കേരളത്തിന് സഹായവുമായി മുന്നോട്ടെത്തിയിരുന്നു. മലയാളത്തില്‍ നിന്നും ടൊവിനോ തോമസ് അടക്കമുള്ള താരങ്ങള്‍ രക്ഷാപ്രവര്‍ത്തനത്തില്‍ മുന്നിട്ടിറങ്ങുകയും ചെയ്തിരുന്നു.