ചോറ്റാനിക്കരയുള്ള അമ്മ വീട്ടില്‍ നിന്നും വയനാട് കാക്കവയലുള്ള വീട്ടിലേക്ക് യാത്ര തിരിച്ച വിഷ്ണു പ്രിയയെ കാണാതായിരുന്നു. മണിക്കൂറുകൾ നീണ്ട അന്വേഷണത്തിനൊടുവിൽ പെൺകുട്ടിയെ കണ്ടെത്തി. കൊല്ലം റെയിൽ‌വേ പൊലീസ് ആണ് പെൺക്കുട്ടിയെ കണ്ടെത്തിയത്.
വിഷ്ണുപ്രിയയുടെ പിതാവ് ശിവാജി തന്നെയാണ് ഇക്കാര്യം അറിയിച്ചത്. ‘എന്റെ മകളെ കിട്ടി പോസ്റ്റ്‌ sahre ചെയ്തു സഹായിച്ച എല്ലാ സുഹൃത്തുക്കൾക്കും,മീഡിയ, സുഹൃത്തുക്കൾ ചടയമംഗലം പോലീസ് സ്റ്റേഷൻ si പ്രദീപ്‌ കുമാർ എന്നിവർക്കും പോലീസ് അധികാരികൾ സഹായം നൽകാൻ എത്തിയ എല്ല നല്ലവരായ ആളുകൾക്കും നന്ദി‘- അദ്ദേഹം ഫേസ്ബുക്കിൽ കുറിച്ചു.
വെള്ളിയാഴ്ച രാത്രി എറണാകുളത്ത് നിന്ന് തിരിച്ച പെണ്‍കുട്ടി പിറ്റേന്ന് രാവിലെ ആറ് മണിക്ക് കോഴിക്കോട് എത്തേണ്ടതായിരുന്നു. അവിടെ ഇറങ്ങാത്തതുമുതലാണ് അന്വേഷണം ആരംഭിക്കുന്നത്. വിഷ്ണുപ്രിയ ഫോണ്‍ ഉപയോഗിക്കാത്തത് ആണ് കണ്ടുപിടിക്കാൻ താമസിച്ചതെന്ന് പൊലീസും പറയുന്നു.
