പാലക്കാട്: മന്ത്രി കെടി ജലീലിന്റെ രാജി ആവശ്യപ്പെട്ട് നടത്തിയ പ്രതിഷേധമാർച്ചിനെ തുടർന്നുണ്ടായ സംഘർഷത്തിൽ വിടി ബൽറാം എംഎൽഎയ്‌ക്ക് പരിക്ക്. ഉദ്‌ഘാടന പ്രസംഗത്തിനിടെ മറുവശത്ത് കൂടി യൂത്ത് കോൺഗ്രസ് പ്രവർത്തകർ കളക്‌ടറേറ്റിനകത്തേക്ക് തള്ളികയറുന്നതിനിടയ്‌ക്കാണ് പോലീസും പ്രവർത്തകരും തമ്മിൽ ഏറ്റുമുട്ടലുണ്ടായത്.
പ്രതിഷേധം നടത്തുന്ന പ്രവർത്തകരെ പോലീസ് അറസ്റ്റ് ചെയ്ത് നീക്കി. ഇത് തുടർച്ചയായ ആറാം ദിവസമാണ് പ്രതിപക്ഷ പാർട്ടികൾ കെടി ജലീലിന്റെ രാജി ആവശ്യപ്പെട്ടുകൊണ്ട് സമരം നടത്തുന്നത്. കൊച്ചിയിലും, തൃശൂരിലും,തിരുവനന്തപുരത്തും കോഴിക്കോടുമായി നടത്തിയ കോൺഗ്രസ് യുവമോർച്ച മാർച്ചുകളിലും സംഘർഷങ്ങളുണ്ടായി. ഇതേ തുടർന്ന് നിരവധി പോലീസുകാർക്കും പ്രവർത്തകർക്കും പരിക്കേറ്റു.