വാളയാറിൽ മരണപ്പെട്ട പെൺകുട്ടികളുടെ മാതാപിതാക്കൾ ഇന്ന് മുഖ്യമന്ത്രിയെ കാണുമെന്ന് സൂചന. തങ്ങളുടെ മക്കൾക്ക് നീതി ലഭിക്കണമെന്ന ആവശ്യമുന്നയിച്ചാണ് മാതാപിതാക്കൾക്ക് മുഖ്യമന്ത്രിയെ കാണുക. കേസിൽ പലതരം ആരോപണങ്ങളാണ് ഇപ്പോൾ ഉയരുന്നത്.
പെണ്‍കുട്ടികളുടെ മരണത്തില്‍ പ്രതിപക്ഷ പാര്‍ട്ടികളും വിവിധ സാമൂഹ്യസംഘടനകളും പ്രതിഷേധം നടത്തുന്നുണ്ട്. കേസില്‍ പുനരന്വേഷണം നടത്തണമെന്നാണ് ഇവരുടെ ആവശ്യം. അതേസമയം, കേസിൽ അപ്പീല്‍ പോകുമെന്ന് മുഖ്യമന്ത്രി പിണറായി വിജയന് അറിയിച്ചിരുന്നു.
കേസ് സംബന്ധിച്ച് അപ്പീല്‍ നല്‍കുമെന്നും പ്രഭഗ്ഭനായ അഭിഭാഷകന്റെ സഹായത്തോടെ കേസ് മേല്‍ക്കോടതിയില്‍ വാദിക്കുന്നതിനുള്ള നടപടി സ്വീകരിക്കുമെന്നും പിണറായി നിയമസഭയില്‍ കഴിഞ്ഞ ദിവസം വ്യക്തമാക്കിയിരുന്നു. സി ബി ഐ ഉൾപ്പെടെയുള്ള വഴികൾ പരിശോധിക്കാമെന്നും അദ്ദേഹം വ്യക്തമാക്കി.