തിരുവനന്തപുരത്ത് നായയെ ചൂണ്ടയില്‍ കോര്‍ത്ത് തല്ലിക്കൊന്നു. അടിമലത്തുറയില്‍ ക്രിസ്തുരാജ് എന്നയാളുടെ ലാബ്രഡോര്‍ ഇനത്തിലെ വളര്‍ത്തുനായയെയാണ് മൂന്ന് യുവാക്കളുടെ സംഘം ഇത്തരത്തില്‍ കൊലപ്പെടുത്തിയത്. ചൂണ്ടയില്‍ കൊളുത്തി കെട്ടിത്തൂക്കിയ ശേഷം മരത്തടി കൊണ്ടാണ് അടിച്ചു കൊന്നത്.
എട്ടുവയസുള്ള നായയെ ഉടമ കാണാതെ തിരക്കിയപ്പോഴാണ് സംഭവം അറിയുന്നത്. ബോട്ടിന്റെ തണലില്‍ നായ ഉറങ്ങിയതിനാണ് ഇങ്ങനെ ക്രൂരത കാട്ടിയത്. അക്രമികള്‍ക്കെതിരെ വിഴിഞ്ഞം പൊലീസ് കേസെടുത്തിട്ടുണ്ട്.
