ആ നടിയെ എല്ലാവര്‍ക്കും അറിയാം, ആരാണെന്നും അറിയാം, ഇക്കാര്യങ്ങളൊന്നും ‘അമ്മ’യില്‍ ചര്‍ച്ച ചെയ്യേണ്ടതില്ല: ഇന്നസെന്റ്
‘ആ നടി ആരാണെന്ന് എല്ലാവര്‍ക്കും അറിയാവുന്ന കാര്യമല്ലേ’ - ഇന്നസെന്റ് എന്താണിങ്ങനെ പറയുന്നത്?
കൊച്ചിയില്‍ പ്രമുഖ നടി ആക്രമിക്കപ്പെട്ട സംഭവവുമായി ബന്ധപ്പെട്ട വിഷയങ്ങള്‍ താര സംഘടനയായ ‘അമ്മ’യില്‍ ചോദ്യം ചര്‍ച്ച ചെയ്യില്ലെന്ന് പ്രസിഡന്റ് ഇന്നസെന്റ്. കുറ്റവാളികള്‍ ആരായാലും ശിക്ഷിക്കപ്പെടണം. അതുമായി ബന്ധപ്പെട്ട് കേസ് ഇപ്പോള്‍ മര്യാദയ്ക്കാണ് പോകുന്നത്. ഒരാളെ പിടിച്ച് അകത്തിട്ടിട്ടുണ്ട്. കോടതിയിലിരിക്കുന്ന വിഷയം അമ്മയില്‍ ചര്‍ച്ച ചെയ്തിട്ട് കാര്യമില്ലെന്നും അദ്ദേഹം വ്യക്തമാക്കിയതായി മനോരമ ന്യൂസ് റിപ്പോര്‍ട്ട് ചെയ്യുന്നു.
സത്യം പൊലീസ് ഉദ്യോഗസ്ഥര്‍ പുറത്ത് കൊണ്ടുവരും. ഈ വിഷയം അമ്മയില്‍ ചര്‍ച്ച ചെയ്യേണ്ട പ്രത്യേകിച്ച് കാര്യമില്ല. കുറ്റം ചെയ്തവര്‍ ശിക്ഷിക്കപ്പെടണം, അവരുടെ കൂടെ നില്‍ക്കില്ലെന്നും ഇന്നസെന്റ് പറയുന്നു. ആ നടിയെ നമ്മള്‍ എല്ലാവര്‍ക്കും അറിയാം. ആരാണ്, എന്താണ് എന്നെല്ലാം. പക്ഷേ ഇര എന്നേ ഇനി അവരെ വിളിക്കാന്‍ കഴിയുളളുവെന്ന കാര്യവും അദ്ദേഹം വ്യക്തമാക്കി.കൊച്ചിയില്‍ അമ്മയുടെ എക്സിക്യൂട്ടീവ് ഇന്ന് ചേരാനിരിക്കെയാണ് ഇന്നസെന്‍റിന്‍റെ പ്രതികരണം.
