ഏത് പ്രതിസന്ധിയിലും കൂടെയുണ്ടാകും, മരണം വരെ; ദിലീപിനോട് കാവ്യയും മീനാക്ഷിയും!
ദിലീപിനെ അനുസരിച്ചില്ല, കാവ്യയും മീനാക്ഷിയും ജയിലിലെത്തിയതിനു പിന്നില്‍ ഒരു കാരണമുണ്ട്!
കൊച്ചിയില്‍ നടിയെ ആക്രമിച്ച കേസിലെ ഗൂഢാലോചനയുമായി ബന്ധപ്പെട്ട് റിമാന്‍ഡില്‍ കഴിയുന്ന നടന്‍ ദിലീപിനെ കാണാന്‍ കാവ്യാ മാധവനും മീനാക്ഷിയും ജയിലിലെത്തിയിരുന്നു. സംവിധായകന്‍ നാദിര്‍ഷായുടെ ഒപ്പമായിരുന്നു മീനാക്ഷിയും കാവ്യയും ദിലീപിനെ കാണാന്‍ ആലുവ സബ് ജയിലില്‍ എത്തിയത്.
തന്നെ കാണാന്‍ ജയിലില്‍ എത്തരുതെന്ന് ദിലീപ് നിര്‍ദേശം നല്‍കിയിരുന്നു. ഈ ഒരു കാരണം കൊണ്ടായിരുന്നു ഇത്രയും നാള്‍ ആയിട്ടും ഇരുവരും ദിലീപിനെ കാണാന്‍ എത്താതിരുന്നത്. മൂന്നുവട്ടം ജാമ്യത്തിന് ശ്രമിച്ചിട്ടും ജാമ്യം ലഭിക്കാതെ വന്നതോടെയാണ് ദിലീപിനെ കാണാന്‍ ഇരുവരും വാശി പിടിച്ചത്. കാവ്യയുടെ അച്ഛന്‍ മാധവനും ഒപ്പമുണ്ടായിരുന്നു.
സപ്തംബര്‍ ആറിന് പിതാവിന്റെ പിതാവിന്റെ ശ്രാദ്ധ ചടങ്ങിന് പങ്കെടുക്കാന്‍ വീട്ടിലെത്തും. ഇതിനു കോടതി കഴിഞ്ഞ ദിവസം അനുമതി നല്‍കിയിരുന്നു. വീട്ടിലെത്തുമ്പോഴുണ്ടാകുന്ന വൈകാരിക പ്രകടനങ്ങള്‍ ഒഴിവാക്കാനാണ് ഇരുവരും ജയിലിലെത്തിയതെന്നാണ് സൂചന. ഓണത്തിന് മുന്‍പ് ദിലീപ് വീട്ടിലെത്തുമെന്ന ഉറച്ച പ്രതീക്ഷയിലായിരുന്നു കാവ്യയും ബന്ധുക്കളും. എന്നാല്‍, ഹൈക്കോടതി രണ്ടാം തവണയും ജാമ്യം നിഷേധിച്ചതോടെ പ്രതീക്ഷ അസ്ഥാനത്തായി. ഏതു പ്രതിസന്ധിയിലും കൂടെയുണ്ടാകുമെന്ന് ദിലീപിനെ സമാധാനിപ്പിച്ചാണ് കാവ്യയും മകളും ജയിലില്‍ നിന്നും മടങ്ങിയതെന്നാണ് റിപ്പോര്‍ട്ടുകള്‍.
