ഓണനാളുകളില്‍ വീട്ടില്‍ അതിഥിയായി ആരുമെത്തിയില്ല, ഒപ്പം അമ്മയും ചേട്ടനും മാത്രം; കൊച്ചിയില്‍ അക്രമിക്കപ്പെട്ട നടി പറയുന്നു
ഓണനാളുകളില്‍ വീട്ടില്‍ അതിഥികള്‍ ആരുമെത്തിയില്ലെന്ന് അക്രമിക്കപ്പെട്ട നടി
ഓണദിവസം വീട്ടില്‍ അതിഥികളായി ആരുമെത്തിയില്ലെന്ന് കൊച്ചിയില്‍ ആക്രമണത്തിനിരയായ നടി. ചില സിനിമകളില്‍ ഇപ്പോള്‍ താന്‍ അഭിനയിക്കുന്നുണ്ട്. പുതിയ ഒരു ചിത്രത്തിനു ഡേറ്റ് നല്‍കിയിട്ടില്ലെന്നും നടി വ്യക്ത്യമാക്കി. മാതൃഭൂമിയാണ് ഈ വാര്‍ത്ത റിപ്പോര്‍ട്ട് ചെയ്തിരിക്കുന്നത്.
ഓണനാളുകളില്‍ തന്റെ കൂടെ അമ്മയും ചേട്ടനും മാത്രമേ ഉണ്ടായിരുന്നുള്ളൂ. സാധാരണത്തെപ്പോലെയുള്ള ഒരു ദിവസം മാത്രമായിരുന്നു ഈ ഓണം. അച്ഛന്‍ ഞങ്ങളോടൊപ്പമുണ്ടായിരുന്ന ഓണക്കാലമാണ് ഓര്‍മ്മയിലുള്ളത്‍. ഇന്ന് തനിക്കൊപ്പം ആ ഓര്‍മ്മകള്‍ മാത്രമാണുള്ളതെന്നും അവര്‍ പറഞ്ഞു.
ജനുവരിയിലാണ് വിവാഹം നിശ്ചയിച്ചിരിക്കുന്നത്. വളരെ അടുത്ത സുഹൃത്തുക്കളും ബന്ധുക്കളും മാത്രമേ ചടങ്ങില്‍ പങ്കെടുക്കൂ. കഴിഞ്ഞ രണ്ട് മാസക്കാലമായി വാട്‌സ്ആപ് ഒഴിവാക്കിയിരിക്കുകയാണ്. അതുകൊണ്ട് തന്നെ ഈ ഓണത്തിന് സിനിമയിലെ സുഹൃത്തുക്കളുടെയും ആരാധകരുടേയും ആശംസകള്‍ എത്തിയില്ലെന്നും അവര്‍ പറഞ്ഞു.
