നടിയെ ആക്രമിച്ച കേസിൽ ജാമ്യവ്യവസ്ഥകളോടു കൂടിയാണ് ദിലീപിനു ഹൈക്കോടതി ജാമ്യം അനുവദിച്ച് നൽകിയത്. എന്നാൽ, കോടതി മുന്നോട്ട് വെച്ച ജാമ്യവ്യവസ്ഥകൾ ദിലീപ് ലംഘിച്ചുവെന്ന് പൊലീസ്. ജാമ്യവ്യവസ്ഥകൾ ദിലീപ് ലംഘിച്ചെന്ന റിപ്പോർട്ട് പൊലീസ് കോടതിയിൽ സമർപ്പിക്കാനൊരുങ്ങുകയാണ്.
പ്രധനസാക്ഷി മൊഴി മാറ്റിയതിനു പിന്നിൽ ദിലീപാണെന്നാണ് പൊലീസിന്റെ നിഗമനം. കേസിലെ പ്രധാന സാക്ഷിയും ദിലീപിന്റെ സുഹൃത്തുമായ നാദിർഷായുമായി പല തവണ ബന്ധപ്പെടാൻ ശ്രമിച്ചതും അന്വേഷ്ണ ഉദ്യോഗസ്ഥർക്കെതിരെ പരാതി നൽകിയതും ജാമ്യ വ്യവസ്ഥകൾ ലംഘിച്ചാണെന്നാണ് പൊലീസിന്റെ കണ്ടെത്തൽ.
അതേസമയം, കേസിൽ ദിലീപിനെതിരായ കുറ്റപത്രം സമർപ്പിക്കാനൊരുങ്ങുകയാണ് പൊലീസ്. ഇതിനായുള്ള അവസാനഘട്ടത്തിലാണ് അന്വേഷണ സംഘം ഇപ്പോൾ ഉള്ളത്.