തമിഴ്നാട് സ്വദേശിയായ അമ്മയും കുട്ടികളും കിണറ്റില്‍ മരിച്ച നിലയില്‍

കാണാതായ യുവതിയേയും രണ്ട് പെണ്‍മക്കളെയും കിണറ്റില്‍ മരിച്ച നിലയില്‍ കണ്ടെത്തി.

കാണാതായ യുവതിയേയും രണ്ട് പെണ്‍മക്കളെയും കിണറ്റില്‍ മരിച്ച നിലയില്‍ കണ്ടെത്തി. ചെത്തുതൊഴിലാളിയായ തമിഴ്നാട് ഈറോഡ് സ്വദേശി കൃഷ്ണമൂര്‍ത്തിയുടെ ഭാര്യകവിത (29), മക്കളായ കാവ്യ (9), ധന്യ (7) എന്നിവരുടെ മൃതദേഹങ്ങളാണു തെങ്ങിന്‍ തോപ്പിലെ കിണറ്റില്‍ കണ്ടെത്തിയത്.

ഇവര്‍ താമസിച്ചിരുന്ന മീനാക്ഷിപുരം കണ്ണപ്പ കൌണ്ടറുടെ തോട്ടത്തിലെ കിണറ്റില്‍ നിന്നാണ് മൃതദേഹങ്ങള്‍ കണ്ടെത്തിയത്. മക്കള്‍ കൃഷ്ണമൂര്‍ത്തിയുടെ മാതാവിനൊപ്പം ഈറോഡില്‍ നിന്നു പഠിക്കുകയായിരുന്നു. സ്കൂള്‍ അവധിക്ക് ഇവര്‍ നാട്ടിലെത്തിയിരുന്നു.

കഴിഞ്ഞ ശനിയാഴ്ച വൈകിട്ടോടെ പൊലീസില്‍ ഇവരെ കാണാനില്ലെന്ന പരാതി നല്‍കിയിരുന്നു. അസ്വാഭാവിക മരണത്തിനു മീനാക്ഷിപുരം പൊലീസ് കേസെടുത്ത് അന്വേഷണം ആരംഭിച്ചു.