ദിലീപിനെ അപ്പുണ്ണി ഒറ്റുകൊടുത്തതിന് പിന്നിലൊരു കാരണമുണ്ട്! - ദിലീപ് പോലും വിചാരിക്കാത്ത കാരണം!
ആരോടും പറയാന്‍ കഴിയാത്ത രഹസ്യങ്ങള്‍ വരെ ദിലീപ് അപ്പുണ്ണിയോട് പറഞ്ഞിരുന്നു, കൂടപ്പിറപ്പിനേ പോലെ കണ്ട ദിലീപിനെ അപ്പുണ്ണി ഒറ്റുകൊടുത്തു?!
നടിയെ ആക്രമിച്ച കേസില്‍ ഗൂഢാലോചന നടത്തിയെന്ന സംഭവത്തില്‍ ആലുവ സബ്ജെയിലില്‍ കഴിയുന്ന നടന്‍ ദിലീപിന് കേസിന്റെ തുടക്കം മുതല്‍ തിരിച്ചടികള്‍ ആയിരുന്നു. ദിലീപിനെതിരെ പള്‍സര്‍ സുനി മൊഴി നല്‍കിയതും ഹൈക്കോടതി ജാമ്യം നിഷേധിച്ചതും ഒടുവില്‍ മനഃസാക്ഷി സൂക്ഷിപ്പുകാരനായ അപ്പുണ്ണിയുടെ മൊഴി വരെ ദിലീപിന് തിരിച്ചടിയായിരുന്നു.
കേസില്‍ ദിലീപ് അറസ്റ്റിലായതു മുതല്‍ അപ്പുണ്ണിയെന്ന സുനില്‍‌രാജ് ഒളിവിലായിരുന്നു. കേസില്‍ തന്നെ മാപ്പുസാക്ഷിയാക്കാന്‍ പൊലീസ് ശ്രമിക്കുന്നുവെന്ന് അപ്പുണ്ണി വ്യക്തമാക്കിയതായി റിപ്പോര്‍ട്ടുകള്‍ ഉണ്ടായി. ഇതിന്റെ അടിസ്ഥാനത്തില്‍ മുന്‍‌കൂര്‍ ജാമ്യത്തിന് കോടതിയെ സമീപിച്ചെങ്കിലും നിഷേധിക്കുകയായിരുന്നു. ഈ സാഹചര്യത്തിലാണ് അപ്പുണ്ണി പൊലീസിനു മുന്നില്‍ കീഴടങ്ങിയത്. മണിക്കൂറുകള്‍ നീണ്ട ചോദ്യം ചെയ്യലിനൊടുവില്‍ അപ്പുണ്ണിയെ പൊലീസ് വിട്ടയക്കുകയായിരുന്നു.
കേസില്‍ ദിലീപിനെതിരെ അപ്പുണ്ണി മൊഴി നല്‍കിയെന്നാണ് പുറത്തുവരുന്ന റിപ്പോര്‍ട്ടുകള്‍. സിനിമ സെറ്റിലെ വെറുമൊരു ഡ്രൈവറായിരുന്ന സുനിൽ രാജ് എന്ന അപ്പുണ്ണിയുടെ ആത്മാർത്ഥത കണ്ട്‌ ദിലീപ് തന്റെ ഡ്രൈവറാക്കുകയായിരുന്നു. കുറച്ച് നാളുകൊണ്ട് ദിലീപിന്റെ മനസ്സ് കീഴടക്കിയ സുനിൽ രാജ് ദിലീപിന്റെ അപ്പുണ്ണിയായി മാറി. മറ്റാരോടും പറയാൻ മടിച്ചിരുന്ന രഹസ്യങ്ങളെലാം കൂടപ്പിറപ്പിനെ പോലെ അപ്പുണ്ണിയുമായി ദിലീപ് പങ്കുവയ്ച്ചു.
കേസിലെ മുഖ്യപ്രതി പൾസർ സുനിയെ അറിയാമെന്നും ജയിലിൽ നിന്ന് സുനി അയച്ച കത്തിന്റെ കാര്യം സംസാരിക്കാൻ ഏലൂരിൽ പോയിരുന്നുവെന്നും അപ്പുണ്ണി മൊഴി നൽകി. ദിലീപിന്റെ സഹായി എന്ന നിലയില്‍ പല സിനിമ ലൊക്കേഷനുകളില്‍ പോയിരുന്നുവെന്നും പലരേയും കണ്ടിട്ടുണ്ടെന്നും അപ്പുണ്ണി മൊഴി നല്‍കി. സുനി തന്നെ ഫോണിൽ വിളിക്കുമ്പോൾ ദിലീപ് അടുത്തുണ്ടായിരുന്നു. സുനി പറഞ്ഞതെല്ലാം ദിലീപിനോട് പറഞ്ഞു. സുനിയെ അറിയില്ലെന്ന ഭാവത്തിൽ താൻ സംസാരിച്ചത് ദിലീപ് പറഞ്ഞതനുസരിച്ചെന്നും അപ്പുണ്ണി വെളിപ്പെടുത്തി.
കേസില്‍ താനും പ്രതിയാകുമോ എന്ന ഭയമാണ് അപ്പുണ്ണിയെ ദിലീപിനെതിരെ സംസാരിക്കാന്‍ പ്രേരിപ്പിച്ചതെന്നാണ് പുറത്തുവരുന്ന സൂചനകള്‍. ദിലീപിന് പുറത്തിറങ്ങാനുള്ള അവസാന അവസരമാണ് അപ്പുണ്ണിയിലൂടെ പോലീസുകാർ അടച്ചത്. ദിലീപ് ഒരിക്കലും വിചാരിച്ചുകാണില്ല തന്റെ മനഃസാക്ഷി സൂക്ഷിപ്പുകാരൻ അവസാന നിമിഷം തന്നെ കൈവിടുമെന്ന്.
