കൊച്ചിയില്‍ നടിയെ ആക്രമിച്ച കേസിലെ അന്വേഷണം പുരോഗമിക്കുന്നു. കേസുമായി ബന്ധപ്പെട്ട് ഗൂഢാലോചന നടത്തിയതിന് നടന്‍ ദിലീപിനെ അറസ്റ്റ് ചെയ്തതോടെ കാര്യങ്ങള്‍ക്ക് വ്യക്തത വരികയായിരുന്നു. ദിലീപുമായി അടുപ്പമുണ്ടായിരുന്നവരെ എല്ലാവരേയും ചോദ്യം ചെയ്യാനുള്ള തയ്യാറെടുപ്പിലാണ് പൊലീസ്. ഇതില്‍, നടനുമായി ഏറ്റവും അടുത്ത സൌഹൃദമുള്ള നടിയും ഉള്‍പ്പെടും.
ദിലീപിന്റെ ചിത്രങ്ങളിലൂടെ തിളങ്ങിയ ഈ നടിയ്ക്ക് ദിലീപുമായി ധാരാളം പണമിടപാട് ഉണ്ടായിരുന്നതായും പൊലീസ് കണ്ടെത്തിയിരുന്നു. ഇവര്‍ തമ്മിലുള്ള സൌഹൃദം ബിനാമി ഇടപാടുകളിലേക്ക് മാറുകയായിരുന്നു. ഇതിന്റെ രേഖകള്‍ അന്വേഷണ സംഘത്തിന് ലഭിച്ചതായി മംഗളം റിപ്പോര്‍ട്ട് ചെയ്യുന്നു.
ചില റിയല്‍ എസ്റ്റേറ്റ് ഇടപാടുകളില്‍ ദിലീപിനൊപ്പം ആക്രമിക്കപ്പെട്ട നടിക്കും പങ്കുണ്ടോയെന്ന് പൊലീസ് പരിശോധിച്ച് വരികയാണ്. ഈ നടി താമസിക്കുന്നത് കാക്കനാട് ആണ്. ദിലിപ് - കാവ്യ ബന്ധത്തിന്റെ അവസാനം വരെ ഈ നടി കൂടെയുണ്ടായിരുന്നു. നടിയെ ആക്രമിച്ച കേസില്‍ ഇവര്‍ക്ക് പങ്കുണ്ടൊയെന്നും പൊലീസ് അന്വെഷിക്കും.
