പി സി ജോര്‍ജ്ജ് പൊട്ടിത്തെറിക്കുന്നു - ‘വെടിവച്ചുകൊല്ലണം ഈ പട്ടികളെ’

‘വെടിവച്ചുകൊല്ലണം ഈ പട്ടികളെ’ - പി സി ജോര്‍ജ്ജ് പൊട്ടിത്തെറിക്കുന്നു!

വടക്കാഞ്ചേരിയില്‍ യുവതി കൂട്ടബലാല്‍സംഗത്തിന് ഇരയായ സംഭവത്തില്‍ അതിരൂക്ഷമായ പ്രതികരണവുമായി പൂഞ്ഞാര്‍ എംഎല്‍എ പി സി ജോര്‍ജ്ജ്. ‘വെടിവച്ചുകൊല്ലണം ഈ പട്ടികളെ’ എന്നാണ് പി സി ജോര്‍ജ്ജിന്‍റെ ഫേസ്ബുക്ക് കുറിപ്പിന്‍റെ ആദ്യവാചകം. 

തന്‍റെ ഔദ്യോഗിക ഫെയ്‌സ്ബുക്ക് അക്കൗണ്ടിലൂടെയാണ് ജോര്‍ജ്ജ് രൂക്ഷമായി പ്രതികരിച്ചിരിക്കുന്നത്. 

“വെടിവെച്ചു കൊല്ലണം ഈ പട്ടികളെ... 

ക്രിമിനല്‍ കേസുകളില്‍ എങ്കിലും രാഷ്ട്രീയ ഇടപെടലുകളും, പോലീസിലെ അനാസ്ഥയും ഒഴിവാക്കിയില്ലെങ്കില്‍ ജനം നിയമം കയ്യിലെടുക്കും. അവര്‍ക്കൊപ്പം ഞാനും ഉണ്ടാകും” - കുറിപ്പില്‍ പി സി ജോര്‍ജ്ജ് പറയുന്നു.

2014ല്‍ നടന്ന പീഡനം പുറത്തറിഞ്ഞത് നടിയും ഡബ്ബിംഗ് ആര്‍ട്ടിസ്റ്റും പൊതുപ്രവര്‍ത്തകയുമായ ഭാഗ്യലക്‍ഷിയുടെ ഫേസ്ബുക്ക് പോസ്റ്റിലൂടെയാണ്. അതുവരെ ഈ വിഷയം ഒതുക്കിത്തീര്‍ക്കാനുള്ള ശ്രമങ്ങള്‍ നടന്നുവരികയായിരുന്നു. ഇതിനെതിരെയാണ് രൂക്ഷമായ ഭാഷയില്‍ പി സി പ്രതികരിച്ചിരിക്കുന്നത്.