വിമണ്‍ കളക്ടീവിന്റെ ആവശ്യം ഇല്ല, സ്വയം പോരാടാന്‍ അറിയാം : ശ്വേത മേനോന്‍
‘വിമണ്‍ കളക്ടീവ് ജനിച്ചിട്ട് കൂടിയില്ല‘ - ആഞ്ഞടിച്ച് ശ്വേത മേനോന്‍
സിനിമയിലെ സ്ത്രീകൂട്ടായ്മയുടെ ഭാഗമായി രൂപംകൊണ്ട സംഘടനയാണ് വിമണ്‍ കളക്ടീവ്. സ്ത്രീസുരക്ഷയെ മുന്നില്‍ കണ്ടുകൊണ്ടാണ് സംഘടന രൂപീകരിച്ചത്. നിലവില്‍ 20 അംഗങ്ങള്‍ മാത്രമാണ് സംഘടനയില്‍ ഉള്ളത്. സംഘടനയെ കുറിച്ച് കൂടുതല്‍ ഒന്നും അറിയില്ലെന്ന് നായികമാരില്‍ ചിലര്‍ നേരത്തേ വ്യക്തമാക്കിയിരുന്നു.
ഇപ്പോഴിതാ, നടി ശ്വേത മേനോനും വിമണ്‍ കളക്ടീനെ കുറിച്ചുള്ള തന്റെ അഭിപ്രായം രേഖപ്പെടുത്തിയിരിക്കുകയാണ്. തനിക്ക് വിമണ്‍ കളക്ടീവിന്റെ ആവശ്യം ഇല്ലെന്നും ഒറ്റയ്ക്ക് പോരാടാന്‍ അറിയാമെന്നും താരം പറയുന്നു. ചില കാര്യങ്ങളില്‍ സ്വന്തം നിലപാടിനായി സ്വയം പോരാടുകയാണ് വേണ്ടതെന്നും നടി പറയുന്നു.
താരസംഘടനയായ ‘അമ്മ’ തനിക്ക് വേണ്ട പിന്തുണ നല്‍കുന്നുണ്ടെന്നും മുന്‍പും തെറ്റുകണ്ടപ്പോഴൊക്കെ പ്രതികരിച്ചിട്ടുണ്ടെന്നും ശ്വേത മേനോന്‍ പറയുന്നു. വിമൻ കലക്ടീവ് ഇതുവരെ ജനിച്ചിട്ടില്ല. ‘അമ്മ’യുണ്ട്. അമ്മ എന്നും പിന്തുണ നല്‍കിയിട്ടേയുള്ളൂ. - ശ്വേത പറയുന്നു.
