‘എടാ ഞാന്‍ ആ തെറ്റ് ചെയ്തിട്ടില്ലെന്ന് ദൈവത്തിനറിയാം, ആ സത്യത്തിന്റെ വിജയമാണ് ഈ സിനിമ’ - അരുണ്‍ ഗോപിയോട് ദിലീപ് പറഞ്ഞത്

എന്റെ സത്യസന്ധത ദൈവം കാണാതിരിക്കില്ല: ദിലീപ്

കൊച്ചിയില്‍ നടിയെ ആക്രമിച്ച കേസും അതില്‍ ദിലീപിന്റെ പങ്കുമെല്ലാം കൂടിക്കുഴഞ്ഞ് കിടക്കുന്ന സമയത്താണ് ജനപ്രിയ നടന്‍ ദിലീപിന്റെ ‘രാമലീല’ റിലീസ് ചെയ്യുന്നത്. ദിലീപ് വിവാദങ്ങള്‍ സിനിമയെ ബാധിക്കുമോ എന്ന പേടി അണിയറ പ്രവര്‍ത്തകര്‍ക്കുണ്ടായിരുന്നു. എന്നാല്‍, അപ്രതീക്ഷിത വിജയത്തിലേക്ക് കുതിക്കുകയാണ് ദിലീപിന്റെ രാമലീല. 

രാമലീല റിലീസ് ചെയ്തശേഷം സംവിധായകന്‍ അരുണ്‍ ഗോപിയും നിര്‍മാതാവ് ടോമിച്ചന്‍ മുളക്പാടവും ആലുവ സബ്ജയിലില്‍ എത്തി ദിലീപിനെ കണ്ടു. അരുണ്‍ ഗോപി തന്നെയാണ് ഇക്കാര്യം മനോരമ ഓണ്‍ലൈനോട് വ്യക്തമാക്കിയിരിക്കുന്നത്.

രാമലീല വിജയിച്ച കാര്യം ദിലീപേട്ടനെ അറിയിച്ചു. ഉടനെ, ദിലീപേട്ടന്‍ വന്നുകെട്ടിപ്പിടിച്ചു, കുറച്ചുനേരം അങ്ങനെതന്നെ നിന്നു. എന്നിട്ട് പറഞ്ഞു, ‘എടാ ഞാന്‍ ഇങ്ങനെ ചെയ്തിട്ടില്ലെന്ന് ദൈവത്തിന് അറിയാം, അത് ദൈവം കാണാതിരിക്കില്ല, ആ സത്യത്തിന്റെ വിജയമാണ് ഈ സിനിമയ്ക്ക് സംഭവിച്ചത്. എന്ന്’ - അരുണ്‍ ഗോപി പറയുന്നു.